Það er margt til í Costco og svo virðist sem þýðingarvélin hafi brugðist starfsmönnum á bökkum með kjúklingalundum. Viðskiptavinur birti mynd af bökkunum í Facebook-hópnum Matartips við mikla gleði hópmeðlima.
„Kirkland Signature Skíthæll Kjúklingaflök“ segir á bakkanum.
Kamilla Einarsdóttir rithöfundur birti sömu mynd á X í gær. „Vinur minn sendi mér þessa mynd úr Costco áðan og ég verð að segja að mér finnst þetta æði fyrir mannáti bara komið út í rugl.
Eftir rannsóknarvinnu finnst mér líklegast að þetta sé óheppileg þýðing á einhverju svona,“ segir Kamilla og birtir skjáskot af Jamaican Jerk Chicken.
Eftir rannsóknarvinnu finnst mér líklegast að þetta sé óheppileg þýðing á einhverju svona: pic.twitter.com/bA6GnKiSQy
— Kamilla Einarsdóttir (@Kamillae) July 17, 2024
