Matarbókin Jómfrúin var valin sú besta, „best in the world“, á Gourmand verðlaunahátiðinni í Umeå í Svíþjóð. Jakob Ein­ar Jak­obs­son, höfundur bókarinnar og eig­andi Jóm­frú­ar­inn­ar í Lækjargötu, og Anna Lea Friðriks­dótt­ir og Dögg Hjaltalín eigendur Sölku bókaútgáfu tóku á móti verðlaununum í gærkvöldi.

Gourmand verðlaun­in eru alþjóðleg mat­reiðslu­bóka­verðlaun sem hafa verið veitt frá árinu 1995 og í ár kepptu bækur frá yfir 200 löndum til verðlauna. Stofn­andi Gourmand er hinn franski Edou­ard Co­intreau, en eft­ir­nafn hans vísar til föður­fjöl­skyld­unn­ar sem stend­ur að baki Co­intreau-lí­kjörnum og móður­fjöl­skylda hans mynd­ar veldið á bak við koní­akið Remy Mart­in. 

Bókin kom út á 25 ára af­mæli Jóm­frú­ar­inn­ar árið 2021.  Bókin fang­ar and­rúms­loftið sem ríkir á veitingastaðnum og í bókinni má finna upp­skrift­ir að fjöl­mörg­um rétt­um sem prýtt hafa mat­seðil­inn í gegn­um tíðina, sögu veit­ingastaðar­ins og vitn­is­b­urð fastak­únna sem all­ir kalla Jóm­frúna sína. Á boðstól­um á Jóm­frúnni er, og hef­ur alltaf verið, danskt smur­brauð í bland við aðra sí­gilda danska rétti að ógleymd­um guðaveig­um til að væta kverk­arn­ar. 

Bókina má kaupa á vef Sölku og í öllum betri bókaverslunum.