Í þættinum Mat og heimilum kíkir Sjöfn 1 árs afmæli Mabrúka sem haldið var á dögunum með pomp og prakt á veitingastaðnum Sumac. Þar hittir Sjöfn Söfu Jemai sem hefur staðið í stórræðum síðastliðið ár og stofnaði meðal annars fyrirtækið sitt Mabrúka sem flytur inn heimagert krydd frá heimalandi hennarTúnis. Af því tilefni bauð Safa og teymið hennar til glæsilegrar afmælisveislu þar sem boðið var upp á 7 rétta matseðil þar sem kryddin voru í forgrunni.

Safa notaði jafnframt tækifærið og kynnti nýja vöru til leiks, Harissa. „Harissa er chilli-mauk frá Túnis. Í Harissa er chilli, hvítlaukur, salt, tabel og mikið af ólífuolíu. Þessi uppskrift sem við notum er frá Norður-Túnis, Bizerte, þar sem fjölskyldan mín býr,“ segir Safa og er óendanlega þakklát fyrir hversu vel hefur verið tekið á móti kryddunum fá Mabrúka hér á landi.

Meira um gleðina í 1 árs afmæli Mabrúka í þætti kvöldsins, fyrst klukkan 19.00 og aftur klukkan 21.00.

Hægt er að sjá brot úr þætti kvöldsins hér:

Matur og heimili: Innlit til Gretu Salóme og 1 árs afmæli Mabrúk