Íslendingar náðu besta heildarárangri sínum til þessa á Norðurlandamóti Matreiðslumanna sem nýlokið er í Herning í Danmörku. Íslendingar röðuðu sér í efstu sæti í öllum flokkum en meðal annars  og segir í fréttatilkynningu að byggt verði á þessum árangri til framtíðar.

Sindri Guðbrandur Sigurðsson hafnaði í 2. sæti í Matreiðlusmaður Norðurlandanna árið 2022. Það var keppenda Norðmanna sem vann keppnina í ár. Eins og áður segir var árangur íslensku keppendanna var framúrskarandi og íslensku keppendur voru í efstu sætum í öllum sínum flokkum. Gabríel Kristinn Bjarnason sigraði í keppninni ungkokkur Norðurlandana en eins og nafnið gefur til kynna er þetta keppni milli efnilegustu matreiðslumann á norðurlöndunum. Matreiðslumeistarinn Sveinn Steinsson og útskriftarneminn Aþena Þöll höfnuðu i öðru sæti i keppninni “Nordic Green Chef”

Sveinn og Aþena kepptu sem lið en keppnin  hefur verið í undirbúningi hjá Norðurlanda-samtökum matreiðslumanna um nokkurt skeið og er gert ráð fyrir að þessi keppni eða sambærileg eigi eftir verða að alþjóðlegri keppni. „Þetta er betri árangur en ég hefði þorað að vona,” sagði Sveinn þegar úrslitin voru kunngjörð. „En þetta er virkilega sætt”

„Við erum algjörlega himinn lifandi með árangur okkar keppenda. Þau hafa staðið sig frábærlega og unnið þetta af mikilli fagmennsku,” segir Þórir Erlingsson forseti Klúbbs matreiðslumeistara sem er staddur með liðinu í Herning. „Nú fögnum við í kvöld og svo förum við á fullt í næsta verkefni sem er heimsmeistara keppnin í Lúxemborg í nóvember komandi.”