fbpx
Fimmtudagur 26.maí 2022
Matur

Bollurnar í frumlegasta bakaríi landsins seldust upp í fyrra

Sjöfn Þórðardóttir
Fimmtudaginn 24. febrúar 2022 20:51

Bollurnar hjá strákunum í GK Bakaríi eru hinar frumlegustu og kitla bragðlaukana. Myndir aðsendar.

Ekki missa af Helstu tíðindum dagsins í pósthólfið þitt

Lesa nánar

Það má með sanni segja að frumlegasta bakarí landsins, GK Bakarí sé að finna á Selfossi sem þeir Guðmundur Helgi Harðarson og Kjartan Ásbjörnsson eiga og reka. Gestir og gangandi koma sjaldnast að tómum kofanum hjá drengjunum í GK Bakarí. Þessa dagana keppast þeir Guðmundur Helgi og Kjartan við að undirbúa stórhátíðardag bakarastéttarinnar, bolludaginn. Í fyrra seldust bollurnar upp og færri fengu en vildu.

Strákarnir fara ekki troðnar slóðir þegar kemur að bakstri en við skulum fara í saumanna á því hverju strákarnir ætla að brydda upp á næstu helgi.

Sú Klassíska:

Rjómi & rabarbarasulta úr rabarbara af stór-800 svæðinu.

Á haustin fá piltarnir rabarbara hjá fólki í bænum og nærsveitum sem þeir sulta og nýta í bakkelsi, svo sem bollur og hjónabandssæluna.

BÚBBLUBOLLAN:

Piccini rósabúbbluganache og jarðarberjasulta – útskriftarveisla í bolluformi.

POPPSTJARNAN:

Hér kemur hún, klædd í silki (-mjúka vatnsdeigsbollu)

Tjásuklippt með rjóma í hylki.

Salt poppkorn og karamella.

KONFEKTBOLLAN:

Eftirlætis moli Mikka, konfektgerðarmeistara og eiganda Mika Restaurant í Reykholti, endurgerður í bolluformi.

Súkkulaði ganache með ástaraldin & mangó miðju.

BANANASPLITT:

Fersk og létt – kemur virkilega á óvart.

Bananar & vanilluganache

FEITABOLLAN:

Hún kom, sá og sigraði í fyrra –

Vanilluganache, vegleg sneið af nougat og franskt vanillucustard vafið í nýbakað croissant úr íslensku smjöri og sérvöldu, ítölsku hveiti.

Það fá allir eitthvað fyrir sinn snúð í GK, en veganvinir, mjólkur- & eggjalausir geta einnig notið dagsins með strákunum.

KLASSÍSK CROISSANT BOLLA:

Oatly whip og rabarbarasulta. Einfalt og þægilegt.

KARAMELLU CROISSANT BOLLA:

Sæt og seðjandi.

OREO CROISSANT BOLLA:

Besta kexið + besta bakkelsið – þessi gat ekki klikkað

MAGRA FEITABOLLAN:

Oatly whip með franskri vanillu lúrir ofan á heslihnetusmjöri í brakandi smjör(líkis)deigi.

Aðeins fyrir sanna sælkera sem ætla að gera vel við sig.

Aðspurðir segja þeir að lykillinn að góðri bollu séu fyrsta flokks hráefni en þeir áætla að selja um átta þúsund bollur yfir helgina allar soðnar upp á staðnum úr íslensku smjöri og íslenskum eggjum fylltar með íslenskum rjóma. Um komandi helgi mun bakaríið fyllast af gómsætum bollum þar sem allir geta fundið eitthvað við sitt hæfi og eiga bollurnar eftir að trylla bragðlaukanna. Strákunum er mjög umhugað um matarsóun, og þrátt fyrir að draumurinn sé auðvitað sá að allir fái það sem þeim langar í  ætla þeir ekki að sitja uppi með eina einustu bollu í afgang í lok dags, svo blaðamaður hvetur gesti að sitja ekki á sér og vera fyrr en seinna á ferðinni.

Piltarnir eru líflegir á samfélagsmiðlum – en líkt og í bakstrinum feta þeir ekki troðnar slóðir þegar kemur að því að kynna vörurnar sínar. Fyrir áhugasama er hægt að fylgjast með þeim á Instagram: @ gkbakari og á Facebook: GK Bakarí

Strákarnir taka á móti bolluhungruðum gestum á

Laugardag 08-16

Sunnudag 10-14

Mánudag 07-16

… eða “frá snemma og þar til rjóminn klárast” eins og þeir segja sjálfir.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Matur
Fyrir 2 vikum

Dýrindis helgarmatseðill af betri gerðinni sem steinliggur

Dýrindis helgarmatseðill af betri gerðinni sem steinliggur
Matur
Fyrir 2 vikum

Sjáið matseðilinn á Hnoss á HönnunarMars

Sjáið matseðilinn á Hnoss á HönnunarMars
Matur
Fyrir 3 vikum

Hver verður kokkur ársins 2022?

Hver verður kokkur ársins 2022?
Matur
Fyrir 3 vikum

Helgarmatseðillinn með sumarlegu ívafi

Helgarmatseðillinn með sumarlegu ívafi
Matur
19.04.2022

Langbesta túnfisksalatið í dag

Langbesta túnfisksalatið í dag
Matur
16.04.2022

Seiðandi saltimbocca að hætti Ítala sem rífur í

Seiðandi saltimbocca að hætti Ítala sem rífur í
FréttirHelgarmatseðillMatur
08.04.2022

Dýrðlegur helgarmatseðill í boði Sollu og Hildar

Dýrðlegur helgarmatseðill í boði Sollu og Hildar
Matur
08.04.2022

Náttúruleg leið til að hreinsa örbylgjuofninn

Náttúruleg leið til að hreinsa örbylgjuofninn