fbpx
Fimmtudagur 08.desember 2022
Matur

Margir mæra Lauga-Ás sem lokar bráðum fyrir fullt og allt

Ágúst Borgþór Sverrisson
Miðvikudaginn 16. nóvember 2022 16:25

Lauga-ás. Ragnar Guðmundsson, eigandi og kokkur. Mynd: Ernir.

Ekki missa af Helstu tíðindum dagsins í pósthólfið þitt

Lesa nánar

„Lauga-Ás braut blað í íslensku veitingastaðaflórunni með því að bjóða uppá og halda að fólki sjávarréttum. Á þeim tíma þótti það sérdeilis sturluð hugmynd að fara út að borða til að gera sér dagamun og éta fisk!“ segir sagnfræðingurinn Stefán Pálsson um hinn rómaða og gamalgróna veitingastað, Lauga-Ás, sem lokar fyrir fullt og allt fyrir áramót eftir 43 ára starfsemi.

Egill Helgason fjölmiðlamaður gerir þessi tímamót einnig að umtalsefni og rifjar upp skrif Jónasar heitins Kristjánssonar, ritstjóra og matgæðings, sem gaf staðnum bestu meðmæli. Egill skrifar:

„Veitingastaðurinn Laugaás er að loka dyrum sínum í hinsta sinn. Það eru kannski ekki margir sem muna hvílík bylting það var þegar Laugaás og Hornið opnuðu árið 1979. Jónas Kristjánsson ritstjóri lýsir þessu vel í grein sem hann skrifaði í febrúar 1980. Það voru annað hvort fín veitingahús, oft á hótelum, eða búllur. Þetta rann svo saman við svokallaða léttvínsbyltingu. Vegna breytinga á lögum eða reglugerðu gátu Íslendingar allt í einu farið að drekka léttvín nokkuð óhindrað á veitingastöðum – áður hafði þungi vínsölunnar farið í að beina fólki að sterkum vínum. Mottóið var eiginlega: Drekkum sjaldnar og mikið, fremur en drekkum oftar og lítið. Hornið var með ítalskan mat en Laugaás gerði mikið út á fiskrétti – þetta var þegar Íslendingar voru rétt að læra að elda fisk á sómasamlegan hátt, mauka hann ekki og ofsjóða. Þetta sagði Jónas og svona upplifði maður það.“

Fjallað var um málið á Útvarpi Sögu í gær og var rætt við Ragnar Guðmundsson, matreiðslumann og eiganda staðarins. „Ragnar sem staðið hefur við pottana í Laugaási undanfarin 43 ár og matreitt þá dýrindis rétti sem staðurinn er rómaður fyrir segir að allt hafi sinn tíma og nú sé rétti tíminn til þess að láta staðar numið og því verður staðnum formlega lokað 24.desember sem fyrr segir. Ragnar lumar þó á rúsínu í pylsuendanum og segir að það verði svolítið húullumhæ að hætti Laugaásmanna í janúar en það verði kynnt síðar,“ segir í netfrétt Sögu.

Ennfremur kemur fram að Ragnar segist vera sáttur við endalokin eftir öll þessi ár í bransanum. Veisluþjónusta Lauga-Áss haldi þó áfram en veitingastaðnum verði lokað.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Matur
Fyrir 1 viku

Falleg og djúsí bollakökujólatré í aðventunni

Falleg og djúsí bollakökujólatré í aðventunni
Matur
Fyrir 1 viku

Rekstur The Deli settur á sölu

Rekstur The Deli settur á sölu
Matur
Fyrir 2 vikum

Vinsælustu veitingastaðir Reykjavíkur samkvæmt notendum Tripadvisor – Arabískur skyndibiti á toppnum

Vinsælustu veitingastaðir Reykjavíkur samkvæmt notendum Tripadvisor – Arabískur skyndibiti á toppnum
HelgarmatseðillMatur
Fyrir 2 vikum

Pestó drottningin býður upp á girnilegan helgarmatseðil

Pestó drottningin býður upp á girnilegan helgarmatseðil
Matur
Fyrir 3 vikum

Sjóðheitur og nýr neðanjarðar næturklúbbur opnaði í gærkvöldi

Sjóðheitur og nýr neðanjarðar næturklúbbur opnaði í gærkvöldi
HelgarmatseðillMatur
Fyrir 3 vikum

Eyþór býður upp á syndsamlega góðan sælkerahelgarmatseðil sem steinliggur

Eyþór býður upp á syndsamlega góðan sælkerahelgarmatseðil sem steinliggur
Matur
07.11.2022

Þrír nýir staðir opna hjá Lemon

Þrír nýir staðir opna hjá Lemon
HelgarmatseðillMatur
04.11.2022

Helgarmatseðillinn í boðið Söfu sveipaður töfrum fyrir bragðlaukana

Helgarmatseðillinn í boðið Söfu sveipaður töfrum fyrir bragðlaukana