Halla Björg Björnsdóttir sér um Ketóhornið á DV.

„Ég er oft beðin um að deila þessari uppskrift en hún hefur algjörlega slegið í gegn,“ segir Halla Björg og deilir uppskrift að „Pizza Hut“ brauðstöngum sem eru að sjálfsögðu ketó.

„Mig hefur lengi langað að mastera þessa snilld en þegar við vinkonunarnar @golga_photographer voru ungar og fátækar lifðum við á brauðstöngunum frá Pizza Hut sælla minninga. Trixið er að ná þeim djúsí og mjúkum að innan og stökkum að utan, og svo er parmesanosturinn ómissandi að sjálfsögðu.“

Uppskrift

Bræða saman:

1 ½ bolla rifinn ost

60 gr rjómaost

30 sekúndur í senn í örbylgjuofni og hræra á milli þar til allt kemur saman.

Hræra svo saman við það:

1 bolli möndlumjöl

1/3 bolli parmesan ostur

2 msk kókoshveiti

1 ½ msk lyftiduft

2 egg

Aðferð

1. Baka á 180 gráðum í 20 mín.
2. Ég nota 25 cm vel smurt smelluform.
3. Síðan pensla ég brauðið dugleg með hvítlauksolíu og krydda með hvítlauks- og laukdufti, oregano, grófu sjávarsalti og kaffæri þeim í parmesan.
4. Sker brauðið svo eftir miðjunni og þversum í hæfilega stórar brauðstangir.
5. Brauðstöngunum dýfi ég svo í einhverja góða pizzasósu en ég fann eina ágæta í Bónus sem inniheldur 5.5 gr kolvetni.

Þetta er nýjasta uppáhaldið mitt. Geymist ágætlega í ísskáp og er gott að hita örlítið upp.

Njótið!

Endilega fylgið mér á Instagram þar sem ég dúndra reglulega inn uppskriftum.