Chloe Trent hefur vakið mikla athygli fyrir myndband sem hún birti á samfélagsmiðlinum TikTok en í myndbandinu uppljóstrar hún leyndarmál um Bic Mac borgarana á McDonald’s.

„Ég verð rekin fyrir þetta,“ skrifar Chloe með myndbandinu en í því sýnir hún hvernig laukurinn sem notaður er á hamborgarana er undirbúinn. Ólíkt því sem margir gætu haldið þá er laukurinn ekki skorinn niður á staðnum heldur er notast við þurrkaðan lauk sem er síðan settur í vatn.

Í myndbandinu sýnir Chloe hvernig hún hellir þurrkaða lauknum í vatnið og hrærir þar til laukurinn verður tilbúinn til notkunar á hamborgarana. Myndbandið hefur vakið gríðarlega athygli en um 1,6 milljón manns horfðu á það á fyrstu 24 klukkutímunum.

Talsmaður McDonald’s ræddi um þetta við News.com.au og sagði að laukurinn væri notaður á Bic Mac hamborgarana, ostborgarana og hamborgarana. Þá segir talsmaðurinn að þetta sé gert til að tryggja að bragðið sé „frábært og eins og viðskiptavinurinn þekkir“.

„Allar aðrar vörur sem eru með lauk, þar með talinn Quarter Pounder borgarinn, notast við ferskan lauk úr nágrenninu,“ bætti talsmaðurinn svo við. „Árið 2019 keypti McDonald’s í Ástralíu 1,7 milljón kíló af lauk til að styðja við Ástralskan landbúnað.“

@_chloe_trent_i’m gonna get fired for dis one 😏💅 #fyp #SpotlightAPI♬ cooking time – cooking