Una í eldhúsinu kann að hafa það notalegt um helgar og deilir hér uppskrift af gómsætu bananabrauði sem einfalt er fyrir alla að baka. Tilvalið að nota banana sem eru orðnir vel brúnir og myndu annars fara í ruslið. Engin matarsóun hér!
2 stórir, þroskaðir bananar
60 g smjör
2 egg
1 dl sykur
2½ dl hveiti
½ dl mjólk
2 tsk. lyftiduft
2 tsk. vanillusykur
1 tsk. kanill
Byrjið á stilla ofninn á 180°C.
Hrærið egg og sykur saman, þannig að blandan verði létt og ljós.
Bætið hveiti, lyftidufti, kanil og vanillusykri saman við og hrærið
vel saman.
Stappið bananana og blandið saman við mjólkina, hellið svo
saman við deigið.
Smyrjið vel brauðform að innan, ég nota gjarnan PAM-sprey en einnig má nota smjör eða smjörlíki.
Hellið blöndunni í formið, stráið smá höfrum yfir og bakið í 30-40 mínútur.
