Vigdís Hauksdóttir, borgarfulltrúi Miðflokksins, fylgir lágkolvetnamataræði. Hún ákvað að breyta um lífsstíl og deildi nýlega með okkur hvað hún borðar á venjulegum degi.

Sjá einnig: Vigdís Hauks breytti um lífsstíl og kílóin fuku burt

Tandoori kjúklingabringur

Fyrir 4

4 kjúklingabringur

200 g smjör

Tandoori-krydd

Salt og pipar

1. Kjúklingabringurnar skornar langsum svo úr verði átta bitar.
2. 200 g smjör sem brætt er í potti ásamt miklu af tandoori-kryddi – a.m.k. ¼ úr glasinu.
3. Salt og pipar eftir smekk sett í pottinn.
4. Kjúklingabringunum er raðað í eldfast mót og smjörkryddleginum hellt yfir.
5. Passið að pensla yfir bringurnar ef þær standa upp úr. Setjið álpappír yfir og hafið á 200 gráðu hita í 30-45 mínútur.

Meðlæti

Salat eftir því hvað er í boði hverju sinni, ásamt fetaosti og svörtum ólífum.

Franskar kartöflur (sem ég borða ekki) og stundum býð ég líka upp á naan-brauð.

Kjúklingurinn er einstaklega mjúkur og gómsætur þegar hann er eldaður upp úr smjöri og er það síðan notað sem „sósa“ út á kjúklinginn og frönsku kartöflunar.