Einfaldur og góður pastaréttur frá matgæðingnum okkar knáa, Unu Guðmundsdóttur á unabakstur.is Þessi réttur hentar vel sem kvöldverður og þá er fullkomið að gera ríflega af honum og nýta sem nesti eða hádegisverð daginn eftir.
Pastaréttur sem gleður
300 g pastaskrúfur
250 g kirsuberjatómatar skornir niður til helminga
90 g mozzarella-perlur (litlar ostakúlur)
50 g hráskinka
200 g ólífur
1 pakki, eða um 70 g, furuhnetur ristaðar létt á pönnu
1 búnt af basilíku
Parmesanostur rifinn yfir að lokum
Skvetta af olífuolíu
Byrjið á því að sjóða pasta í vel söltu vatni samkvæmt leiðbeiningum. Sigtið vatnið frá og kælið.
Skvettið ólífuolíu yfir til að koma í veg fyrir að pastað klístrist saman.
Ristið furuhnetur létt á pönnu við lágan hita og leyfið þeim svo aðeins að kólna.
Skerið niður kirsuberjatómata til helminga, hráskinkuna er besta að skera í litlar ræmur.
Basilíkan er svo klippt niður, sumir vilja hafa litla bita af henni á meðan aðrir vilja hafa heil blöð.
Blandið öllu saman í skál, það er að segja pastanu, tómötunum, hráskinkunni, mozzarella-perlunum, ólífunum og furuhnetunum og hrærið öllu vel saman.
Rífið niður parmesan-ost að lokum og blandið honum saman við.
Ferskt pestó
70 g furuhnetur
1 búnt basilíka
150 g parmesanostur, rifinn niður
2 stk. hvítlauksgeirar
1 dl ólífuolía
Ég nota alltaf Stonewall Kitchen olíuna, en ég mæli með að nota góða ólífuolíu, hún getur verið verið svo mismunandi.
Smá salt
Setjið allt saman í matvinnsluvél og svo er um að gera að smakka og bæta í ef það vantar meira salt eða meiri hvítlauk svo eitthvað sé nefnt.
Blandið svo pestóinu saman við pastablönduna.
Verði ykkur að góðu.