fbpx
Föstudagur 07.ágúst 2020
Matur

Upplífgandi eftirréttir á páskum

Lilja Katrín Gunnarsdóttir
Laugardaginn 4. apríl 2020 21:30

Ekki missa af Helstu tíðindum dagsins í pósthólfið þitt

Lesa nánar

Páskarnir ganga í garð innan skamms og því ekki úr vegi að bjóða upp á páskalega eftirrétti. Nú hafa margir nægan tíma til að dunda sér innanhúss og hér eru þrír páskalegir eftirréttir sem lífga upp tilveruna.

Páskakökur Jarðarberin dulbúast sem gulrætur.

Dúllulegar páskakökur

„Gulrætur“

jarðarber
appelsínugult súkkulaði (eða hvítt súkkulaði litað appelsínugult)

Bollakökur

¾ bolli hveiti
¾ bolli sykur
1/3 bolli kakó
1 tsk. lyftiduft
½ tsk. matarsódi
½ tsk. salt
1/8 bolli olía
1/3 bolli sýrður rjómi
2 msk. mjólk
1/3 bolli sjóðandi heitt vatn
1 egg
1 tsk. vanilludropar

Krem

100 g mjúkt smjör
200 g flórsykur
75 g dökkt súkkulaði (brætt)
2–3 msk. kakó
1 tsk. vanilludropar
nokkur Oreo-kex

Aðferð:

Byrjum á „gulrótum“. Bræðið súkkulaðið í örbylgjuofni með 30 sekúndna millibili þar til það er bráðið. Hrærið vel í blöndunni á milli lota í ofninum. Dýfið jarðarberjunum í súkkulaðið og raðið þeim á smjörpappír. Leyfið súkkulaðinu að storkna.

Næst eru það bollakökurnar. Hitið ofninn í 180°C og takið til 12 bollakökuform. Blandið þurrefnum vel saman í skál. Blandið blautefnum, nema vatni, vel saman í annarri skál. Blandið blautefnunum vel saman við þurrefnin. Blandið síðan vatninu varlega saman við þar til allt er vel blandað saman. Deigið verður í þynnri kantinum. Deilið deiginu á milli formanna og bakið í 15 til 18 mínútur. Leyfið kökunum að kólna áður en þær eru skreyttar.

Loks er það kremið. Þeytið krem í 4 til 5 mínútur. Bætið því næst flórsykri, súkkulaði, kakó og vanilludropum vel saman við og hrærið vel. Ef kremið er of þykkt má bæta smá mjólk út í það. Skerið út holu í miðjunni á hverri köku. Smyrjið kreminu í kringum holuna og myljið Oreo-kex ofan á kremið. Stingið síðan „gulrótunum“ ofan í holuna. Þetta er ekki flókið!

Tignarleg Það er ansi gaman að skreyta kökuna með páskaeggi og leyfa fjölskyldumeðlimum að brjóta það í spað.

Páskakakan

Kakan

450 g mjúkt smjör
2 bollar sykur
1 tsk. vanilludropar
3 bollar hveiti
6 egg
1 tsk. lyftiduft

Kremið

300 g mjúkt smjör
600 g flórsykur
100 g hvítt súkkulaði (brætt og aðeins kælt)
2 tsk. vanilludropar
Matarlitur (ef vill)

Aðferð:

Byrjum á kökunni. Hitið ofninn í 160°C og takið til tvö hringlaga form, um 18 sentímetra að stærð. Smyrjið þau vel. Þeytið smjör og sykur saman í 5 til 10 mínútur þar til blandan er létt og ljós. Blandið restinni af hráefnunum saman við og hrærið þar til allt er blandað saman. Deilið deiginu á milli formanna. Deigið er frekar stíft þannig að það er smá mál að koma því í formin. Bakið í klukkutíma og leyfið að kólna alveg áður en kakan er skreytt.

Svo er það kremið. Þeytið smjör og flórsykur í 5 til 6 mínútur og bætið síðan restinni af hráefnunum saman við. Skreytið kökuna að vild – notið fullt af skrauti, fullt af gleði og fullt af matarlit!

Hreiðurgerð Einfaldur og skemmtilegur eftirréttur.

Ætt páskaskraut

1 bolli dökkt súkkulaði (grófsaxað)
1 msk. smjör
2 bollar saltstangir (brotnar í bita)
nammiegg

Aðferð:

Bræðið súkkulaði og smjör saman í örbylgjuofni þar til allt er bráðnað saman. Munið að hita bara í 30 sekúndur í senn og hræra alltaf í blöndunni á milli. Veltið saltstöngunum upp úr súkkulaðinu þar til nánast allar saltstangirnar eru huldar með súkkulaði. Finnið ykkar innri listamann og búið til hreiður úr saltstöngunum. Varúð: Það verður sko nóg af súkkulaði á puttunum eftir á til að sleikja. Raðið eggjum í hreiðrin og leyfið þessu að storkna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Matur
30.06.2020

Bjóðið fráskildum vinum ykkar í mat

Bjóðið fráskildum vinum ykkar í mat
Matur
27.06.2020

Bestu brönsstaðir borgarinnar – Þessir þykja skara fram úr

Bestu brönsstaðir borgarinnar – Þessir þykja skara fram úr
Matur
23.06.2020

Þetta er næst versta pítsaáleggið á eftir ananas segir Guðni Th.

Þetta er næst versta pítsaáleggið á eftir ananas segir Guðni Th.
Matur
22.06.2020

Eitt furðulegasta tilboðið á Íslandi – 50% afsláttur ef þú uppfyllir eitt skilyrði

Eitt furðulegasta tilboðið á Íslandi – 50% afsláttur ef þú uppfyllir eitt skilyrði
Matur
08.06.2020

Svona leit McDonalds út á níunda og tíunda áratugnum

Svona leit McDonalds út á níunda og tíunda áratugnum
Matur
07.06.2020

Þetta borðar Edda Hermanns á venjulegum degi

Þetta borðar Edda Hermanns á venjulegum degi
Matur
02.06.2020

Skerðu vatnsmelónuna á skotstundu með tannþræði

Skerðu vatnsmelónuna á skotstundu með tannþræði
Matur
01.06.2020

Fimm ráð sem gera þig að betri grillara

Fimm ráð sem gera þig að betri grillara