YouTube-stjarnan MrBeast er með yfir 33 milljón fylgjendur á miðlinum. Myndbönd hans eru mjög vinsæl og á hann til að vera frekar róttækur. Til dæmis hefur hann gefið ókunnugum kreditkortið sitt og hlaupið maraþon í stærstu skóm í heimi.
Í nýjasta myndbandinu eyðir hann yfir 140 milljón krónum í mat. Honum tókst að fylla sex stóra trukka af kjöti sem hann fer með í matarbanka um Bandaríkin. Matarbankar gefa þeim sem minna mega sín mat á erfiðum tímum. Það er sérstaklega mikilvægt á tímum eins og þessum að matarbankar eigi nóg fyrir kúnna sína.
Það hefur verið mjög erfitt undanfarnar vikur fyrir matarbanka að nálgast kjöt vegna heimsfaraldursins. Í fyrstu sendingunni sem hann fer með í matarbanka eru 170 þúsund skammtar af kjöti.
Horfðu á myndbandið hér að neðan.
