Íslenskir nammigrísir koma saman í Facebook-hópnum NammiTips og útkljá í eitt skipti fyrir öll hvað sé versta nammið.

Í færslu þar sem spurt er um versta nammið nefna meðlimir hópsins það nammi sem þeir telja verst.

Nammið sem ber sigur úr bítum sem versta nammið er Bassetts.

„Wannabe sambó lakkrís er líka helvítis ógeð,“ segir meðlimur hópsins. 87 manns hafa líkað við þá staðhæfingu þegar greinin er skrifuð.

„Þetta hefur vinningin í vondu nammi. Hélt lengi vel að ömmu líkaði illa við mig þegar hún bar þetta á borð,“ segir annar meðlimur hópsins.

Fjölmörgum er einnig meinilla við Victory nammið.

„Þetta er alveg agalegt,“ segir einn meðlimur um Victory nammið.

„Þetta er alveg það versta,“ segir annar. Það eru hins vegar ekki allir sammála og segir ein kona: „Ég elska þetta.“

Marsipanbrauðið frá Freyju er ekki vinsælt hjá meðlimum hópsins.

„Já djöfulsins ógeð,“ segir einn meðlimur hópsins um sælglætið.

Súkkulaði með appelsínubragði frá Lindu er á óvinalista margra.

Rommkúlurnar eru kallaðar „ógeðslegar“ og taka 46 manns undir það.

Skógaberjanammi, Jelly Beans og hvítt súkkulaði með svipað marga gagnrýnendur.

Smarties, krítar, sykurpúðar og „allt með hnetusmjöri og hnetum“ fá einnig last frá nammigrísunum.

Hvað segja lesendur, hvað er versta nammið?