Miðvikudagur 13.nóvember 2019
Matur

Tíu hlutir sem þú vissir ekki um franskar

Ritstjórn DV
Mánudaginn 26. ágúst 2019 11:00

Ekki missa af Helstu tíðindum dagsins í pósthólfið þitt

Lesa nánar

Franskar eru gríðarlega vinsælar um heim allan og bornar fram með ýmsum mat. Hér eru nokkrar staðreyndir sem þú vissir hugsanlega ekki um þetta vinsæla matvæli.

Þær eru hugsanlega ekki franskar

Saga franskanna er mjög flókin og halda Frakkar, Spánverjar og Belgar allir því fram að þeir hafi fundið upp frönskuna. Hins vegar er algjörlega óljóst hver saganna er sönn, en Belgar hafa barist mjög fyrir því að fá franskarnar viðurkenndar sem belgískar. Þeir halda því fram að nafnið sé komið til út af nálægðinni við Frakkland á meðan Frakkar segja að franskar hafi fyrst verið seldar árið 1789 á götuhorni í París. Svo eru það Spánverjarnir, en þeirra helstu rök eru sú að þeir voru fyrstir til að flytja kartöflur yfir Atlantshafið. Uppruni franskanna er því enn þann dag í dag hulin ráðgáta.

Thomas Jefferson kynnti Bandaríkjamenn fyrir þeim

Thomas Jefferson, fyrrverandi forseti Bandaríkjanna, féll fyrir frönskum þegar hann starfaði í Frakklandi. Þrællinn hans, James Hemings, hélt áfram að búa til franskar fyrir forsetann þegar þeir sneru aftur til Bandaríkjanna og kynnti forsetinn Bandaríkjamenn fyrir frönskum kartöflum.

McDonald‘s selur fáránlega mikið af frönskum

Um það bil sjö prósent af öllum kartöflum sem vaxa í Bandaríkjunum enda sem franskar á skyndibitastaðnum McDonald‘s. Þar af leiðandi selur McDonald‘s fleiri franskar en nokkur annar staður í Bandaríkjunum.

Meðalmaður borðar þrettán kíló á ári

Samkvæmt National Geographic borðar meðal Bandaríkjamaður 13,6 kíló af frönskum kartöflum á ári hverju.

Það er til frönskusafn

Eins og áður segir hafa Belgarnir barist hart fyrir frönskunum og það er meira að segja til safn um franskar kartöflur í Bruges í Belgíu. Það heitir Frietmuseum og geta gestir lært um sögu kartöflunnar og smakkað franskar, svo fátt eitt sé nefnt.

Frelsisfranskarnar

Þegar að Frakkar lögðust gegn áætlun Bandaríkjamanna að ráðast inn í Írak árið 2003 var nafni á frönskum í mötuneyti bandaríska þingsins breytt í frelsisfranskar. Þannig var „french“ (eða franskar) tekið úr nafninu og vonuðu þingmenn að nafnið frelsisfranskar (e. Freedom fries) myndi haldast. Það gerði það hins vegar ekki og voru gömlu góðu „french fries“ settar aftur á matseðilinn árið 2006.

Þær eru næringarríkari en þú heldur

Þó þú haldir að franskar séu eitt það versta sem þú lætur ofan í því þá er samt næring í þeim. Kartafla er grænmeti og inniheldur ýmiss næringarefni eins og B6 vítamín, C-vítamín, magnesíum og járn.

TOKYO, JAPAN – JANUARY 25: French fries are seen being cooked for McChoco Potato on January 25, 2016 in Tokyo, Japan. The McChoco Potato, McDonald’s Japan’s special winter menu, french fries covered in chocolate and white chocolate sauces will be available in McDonald’s restaurants on January 26, 2016 until around mid February. (Photo by Christopher Jue/Getty Images)

Djúpsteiktar tvisvar

Maður spyr sig oft að því af hverju franskar á veitingastöðum séu miklu betri en þær sem maður gerir heima fyrir. Það er af því að flestir veitingastaðir djúpsteikja franskarnar tvisvar.

Það eru til sjálfsalar fyrir frönskur

Fyrsti sjálfsalinn fyrir franskar var afhjúpaður árið 1982 í Ástralíu og kallaður einfaldlega Herra Franska. Síðan þá hafa ýmsir sjálfsalar dúkkað upp, til að myna í Kína, Belgíu, Ísrael, Slóvakíu og Hollandi.

Minni fita í þeim þykkari

Þó ótrúlegt megi virðast þá er minni fita í þykkari frönskum. Það er af því að fita helst í stökkum köntunum og mjóar franskar eru nánar bara stökkar. Þykkari franskar eru hins vegar mjúkar að innan og þar er sterkju að finna, ekki svo mikla fitu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 6 dögum

Er ketó öruggt á meðgöngu? Næringarfræðingur svarar

Er ketó öruggt á meðgöngu? Næringarfræðingur svarar
Matur
Fyrir 1 viku

Ævar kjötæta og Guðrún grænkeri ræða málin – Ekki smeykur við að fá krabbamein

Ævar kjötæta og Guðrún grænkeri ræða málin – Ekki smeykur við að fá krabbamein