Íslandsvinurinn Ed Sheeran er ansi hreint hrifinn af Heinz-tómatsósu eins og áður hefur komið fram og hefur verið í samstarfi við fyrirtækið síðustu mánuði.
Nú hefur samstarfið risið upp á hærra plan því búið er að hanna takmarkað magn af Heinz-tómatsósuflöskum sem eru skreyttar með sömu flúrum og prýða annan handlegg tónlistarmannsins.
https://www.instagram.com/p/B1DnOPxhSDz/
Aðeins verða 150 flöskur framleiddar. 104 af þessum 150 flöskum verða vinningar í sérstökum leik sem hægt er að taka þátt í fyrir 23. ágúst. Þrjár af flöskunum verða seldar á uppboði og rennur allur ágóði til tveggja góðgerðarsamtaka sem Ed Sheeran valdi sjálfur: East Anglia’s Children’s Hospices og Rise Against Hunger.
Óljóst er hvað verður um hinar 43 flöskurnar. Enn fremur er ekki vitað hvort Ed bæti flúri af nýju flöskunni á líkama sinn.
