Veitingastaðir í Reykjavík eru tilbúnir að veita poppstjörnunni Ed Sheeran Heinz-tómatsósu ef ske kynni að kauði myndi mæta og snæða. Frá þessu var greint í morgunblaðinu í morgun.
Ellefu veitingastaðir voru valdir sem líklegustu áfangastaðir Eds á meðan dvöl hans stendur yfir hér á landi. Þessum stöðum var útvegaður glerkassi með áletruninni „In case of Ed Sheeran.“ Sem mætti þýða sem „Ef að Ed Sheeran mætir.“
Veitingastaðir sem urðu fyrir valinu voru meðal annars: Matarkjallarinn, Reykjavík Meat og Humarhúsið.
Ed Sheeran á að vera mikill aðdáandi Heinz-tómatsósunnar, en hann lék til að mynda í eftirminnilegri auglýsingu, en hugmyndin á að hafa verið hans eigin.