Hin breska Kate Lawler, fyrrverandi Big Brother-stjarna, skemmti fylgjendum sínum á Instagram í gær eftir að NutriBullet-blandarinn hennar sprakk.
Kate, sem starfar nú sem útvarpskona, játaði í sögu sinni á Instagram að vera þunn, en aðdáendur áttu vart til orð yfir útganginum á henni. Hún var nefnilega útbíuð í dökkum safa sem minnti um margt á blóð.
Forsaga málsins er sú að Kate ætlaði að blanda sér hollan drykk en gleymdi skeið í blandaranum með þeim afleiðingum að hann sprakk.
„Þetta er einn af þessum dögum sem ég vildi að ég hefði farið á McDonald‘s og fengið mér Egg McMuffin eða steiktar kartöflur. Ekki búa til safa! Það er hættulegt,“ sagði Kate í sögu sinni á Instagram.
„Þetta er ekki það sem ég þarf í þynnkunni. Ég skildi óvart eftir skeið í NutriBullet-blandaranum. Aldrei gera það því hún brýst í gegnum glerið og eldhúsið lítur út eins og einhver hafi verið myrtur þar.“
Kate kallaði málið „juicegate“ og sýndi fylgjendum sínum eldhúsið sitt, en safinn náði að þekja hvern krók og kima, allt frá borðplötu til lofts.
„Af hverju geri ég þetta? Það er hættulegt að borða hollt. Ég held að ég sé með glerbrot í auganu mínu. Fjandinn hafi það.“
