Hvort sem við viðurkennum það eða ekki, þá prumpum við öll. Mismikið vissulega og hefur mataræðið okkar mikil áhrif á það.
Allir hafa loft (gas) í meltingarveginum og losna við það með því að ropa eða prumpa. Við losum okkur við gas að meðaltali 14 sinnum á dag.
En finnst þér þú prumpa meira en eðlilegt þykir? Hér eru tíu matvæli sem láta þig prumpa sem Healthline tók saman. Hafðu það í huga að allir líkamar bregðast misjafnlega við mat.
Þegar þú hugsar um matvæli sem lætur þig prumpa eru baunir örugglega efstar á listanum. Í baunum er mikið af þrísykrunni raffínósa, sem líkaminn á oft erfitt með að melta. Ef þú ert að elda baunirnar þá er gott að láta þær liggja í bleyti yfir nótt til að minnka áhrif þeirra á vindganginn. Ef þú ert að byrja á því að borða baunir, ekki byrja á stórum skammt. Byrjaði að borða lítinn skammt í einu og leyfðu líkama þínum að venjast baununum.
Laktósi (mjólkursykur) er sykur sem finnst í mjólk og flestum mjólkurvörum, eins og osti og rjómaís. Fólk sem framleiðir ekki nógu mikið af laktósaensími á erfitt með að melta laktósa, sem þekkist þá sem laktósaóþol, eða mjólkursykuróþol. Aukinn vindgangur er eitt af einkennum laktósaóþols. Skiptu út mjólkurvörum fyrir t.d. möndlumjólk, sojajógúrt eða vegan ost.
Heilkorn eins og hveiti og hafrar innihalda trefjar, raffínósa (e. raffinose) og mjölva. Baktería brýtur niður þetta allt í meltingarveginum okkar, sem leiðir til vindgangs. Áhugaverð staðreynd, hrísgrjón er eina kornið sem lætur okkur ekki prumpa.
Ákveðin grænmeti eins og brokkolí, rósakál, kál, aspas og blómkál eru þekkt fyrir að orsaka aukavindgang. Eins og baunir, þá innihalda þessar grænmetistegundir einnig raffínósa, sem er flókin þrísykra. Hins vegar er þetta mjög holl fæða, þannig talaðu fyrst við lækni áður en þú tekur þetta grænmeti úr matarræðinu.
Við kyngjum lofti, sem við síðan losum okkur við, og með því að drekka gos og aðra kolsýrða drykki erum við að bæta verulega við þetta loft sem við kyngjum. Skiptu út gosi fyrir safa, te eða vatn.
Ávextir eins og epli, ferskjur, perur og sveskjur innihalda náttúrulegan sykur, sorbitol, sem líkaminn getur átt erfitt með að melta.
Eins og með gos, þá gleypirðu meira af lofti þegar þú sýgur brjóstsykur. Mikið af nammi inniheldur einnig sorbitol. Þetta tvennt getur saman aukið vindgang.
Laukir inniheldur náttúrlega sykurinn frúktósa/ávaxtasykur. Eins og með raffínósa og sorbitol, þá getur frúktósi aukið vindgang þegar hann er brotinn niður í meltingarveginum.
Sama saga og með gos og brjóstsykur. Þegar þú tyggir tyggjó þá gleypirðu meira loft.
Unnin matvæli og vörur í umbúðum, eins og brauð, snakk, morgunkorn og salat dressingar, eru með fjölbreytt innihaldsefni, þar á meðal frúktósa og laktósa. Þessi blanda getur orsakað aukinn vindgang.