YouTube-arinn Sv3rige er yfirlýstur anti-vegan. Hann hefur áður vakið athygli fyrir vægast sagt stórfurðuleg og ógeðsleg mótmæli sín við veganisma. Í mars síðastliðinn fór hann á vegan markað í London og borðaði dauðan loðinn íkorna. Helgina fyrir það borðaði hann hrátt svínshöfuð á vegan hátíð.

Það má því segja að Sv3rige sé á móti grænkerum og mjög hrifinn af kjöti. Svo hrifinn af kjöti að hann borðar það hrátt, þó svo að það sé hrár kjúklingur. Og þó svo að kjúklingurinn hefur rotnað í krukku síðastliðin eitt og hálft ár.

„Ástæðan fyrir því að ég er að gera þetta myndband er að það er stór misskilningur um kjúkling. Fólk heldur að þú getur borðað sumt kjöt hrátt en kjúkling? Aldrei. Af hverju, þetta er bara fugl eins og aðrir fuglar, það er ekkert sérstakt við hann,“ segir hann í myndbandinu.

Við viljum benda á að það getur verið mjög hættulegt að borða hráan kjúkling, þú getur til að mynda fengið salmonellu eða kampýlóbakter sýkingu. Ekki borða hráan kjúkling.

Þetta myndband er alls ekki fyrir viðkvæma. Horfðu á það hér að neðan.