„Ég hef nú verið á vegan mataræði í 6 mánuði, ekki borðað neitt kjöt, fisk, egg eða neitt sem inniheldur dýraafurðir. Það þýðir líka að ég borða ekki osta heldur eða vörur sem innihalda egg.“

Svona hefst færsla grínarans og fyrrum borgarstjórans Jóns Gnarr, en þar segist hann hafa tapað hátt í þrettán kílóum á þessum tímaramma. Jón segir vegan-mataræðið vera skemmtilegt og tekur fram að hann læri alltaf eitthvað nýtt með því.

Þá dásamar hann Magnúsi Magnússyni kvikmyndagerðarmanni, sem hefur gert fjölda af verkefnum um villt dýr á Íslandi. Þennan mann kallar Jón „hin íslenska (David) Attenborough.“

„Margir muna eftir Magga úr innslagi úr Landanum síðasta vetur. Fáir eru jafn fróðir um íslenskt lífríki og hann. Hann kenndi mér td að rækta tré og plöntur af fræi,“ segir Jón, sem er nú orðinn háður sveppunum sem Magnús ræktar sjálfur.

„Ég er kominn í áskrift hjá honum og keyri reglulega upp í Kópavog þar sem hann er með ræktunina og fæ hjá honum skammtinn minn.“

Jón hvetur alla til að prófa þennan veganisma og hikar ekki við að fullyrða að vegan-smjörið sé töluvert betra en venjulegt smjör, svo dæmi sé nefnt.

Færslu Jóns má lesa í heild sinni að neðan.