Það er fátt meira kósí um helgar en að fá sér ylvolga vöfflu með öllu sem henni fylgir. Þessar vöfflur eru hins vegar engar venjulegar vöfflur, því þær eru í raun ostastangir í vöffluformi. Algjörlega epískur réttur.
Hráefni:
1 bolli hveiti
2 stór egg, þeytt
2 msk. mjólk (eða vatn)
1 bolli ítölsk brauðmylsna (eða brauðmylsna krydduð eftir þínu höfði)
salt
16 ostastangir (hægt að kaupa tilbúnar eða skera oststykki í stangir)
parmesan ostur, rifinn (til að skreyta með)
fersk steinselja (til að skreyta með)
marinara sósa (til að dýfa í)
Aðferð:
Hitið vöfflujárnið upp að miðlungshita og spreyið það með smá bakstursspreyi. Setjið hveiti í grunna skál. Blandið eggjum og mjólk saman í annarri grunnri skál. Í þriðju skálina fer brauðmylsna og salt. Veltið ostastöngunum upp úr hveiti, síðan dýfið þið þeim í eggjablönduna og veltið upp úr brauðmylsnu. Endurtakið þar til allur osturinn er tilbúinn. Raðið ostastöngunum í vöfflujárnið og bakið í 4 mínútur. Fjarlægið „vöfflurnar“ varlega úr járninu með töngum eða spaða og skerið í ílanga bita. Skreytið með parmesan og steinselju og berið fram með sósu.
