Þessi molar eru algjörlega sturlaðir en hvers bita virði.
Hráefni – Botn:
115 g mjúkt smjör
1 bolli sykur
2 egg
3/4 bolli hveiti
1 tsk. sjávarsalt
1/2 tsk. lyftiduft
35 g brætt súkkulaði
Aðferð:
Hitið ofninn í 180°C og smyrjið ílangt form, ca 30-33 sentímetra að lengd. Blandið öllum hráefnum nema súkkulaði vel saman. Bætið því næst súkkulaðinu saman við og blandið vel saman. Skellið þessu inn í ofn í 15-17 mínútur.
Hráefni – Sykurpúðalag:
2 bollar litlir sykurpúðar
Aðferð:
Dreifið sykurpúðunum yfir botninn og setjið aftur inn í ofn í um 3 mínútur. Takið formið út úr ofninum og leyfið þessu að kólna.
Hráefni – Súkkulaðilag:
170 g súkkulaði
1/2 bolli hnetusmjör
1 bolli Rice Krispies
Aðferð:
Bræðið súkkulaði og hnetusmjör saman í potti yfir vægum hita. Blandið Rice Krispies saman við og smyrjið yfir sykurpúðalagið. Kælið í um klukkustund og njótið síðan.
