Jú, við tökum sterkt til orða en þessi ídýfa er bara í einu orði sagt stórkostleg.
Hráefni:
2 msk. ólífuolía
1 lítill laukur, saxaður
3 hvítlauksgeirar, smátt saxaðir
1 jalapeño, smátt saxaður
340 g rifinn ostur
115 g mildur cheddar ostur, rifinn
1 1/4 bolli mjólk
salt og pipar
1 meðalstór tómatur, skorinn smátt
115 g grænn chili pipar, smátt skorinn
1/4 bolli ferskur kóríander, saxaður
tortilla-flögur
Aðferð:
Hitið olíuna í stórri pönnu yfir meðalhita. Bætið lauk saman við og eldið í 5 mínútur. Bætið hvítlauk og jalapeño við og eldið í 1 mínútu til viðbótar. Bætið ostum saman við og mjólk og hrærið þar til osturinn bráðnar. Kryddið með salti og pipar. Bætið tómötum, chili og kóríander saman við og berið strax fram með tortilla-flögum.
