Leikkonan Halle Berry er 52ja ára og í mjög góðu formi. Hún er dugleg að veita fylgjendum sínum á Instagram innblástur en fyrir stuttu settist hún niður með þjálfaranum sínum, Peter Lee Thomas, og svöruðu þau í sameiningu spurningum fylgjenda í svokallaðri sögu á Instagram.

https://www.instagram.com/p/BqQSJDNAxhx/

Halle var meðal annars spurð hvert væri hennar uppáhalds millimál og þá stóð ekki á svörunum. Hún segist elska að fá sér próteinstykki þegar að svengdin segir til sín.

„Ég er snarlari og ég þarf að fá mér snarl, smá mat yfir allan daginn,“ segir Halle á Instagram og bætir við að hún elski próteinstykkin Designs for Health og Bulletproof.

https://www.instagram.com/p/BoAFVfiAYaW/

Þá segist hún einnig fasta á morgnana og ekki fá sér máltíð fyrr en klukkan tvö á daginn. Hún var einnig spurð hvort hún borði pasta. Hún segist hafa gefið börnunum sínum mikið af kúrbítspasta þannig að þau finni ekki muninn á því og hefðbundnu pasta.

„Það koma tímar þar sem maður þarf bara smá pasta. Fáið ykkur það – Ég meina, ég geri það.“

https://www.instagram.com/p/BmlpouYA0qR/