Flotþerapistinn, fjöllistakonan og líkamsræktarkennarinn Ellý Ármanns er í dúndurformi. Ellý kennir leikfimi og hugleiðslu í Reebok Fitness og segir frá því á Facebook að hún hafi fengið tvær spurningar eftir tímann sem hún kenndi í dag. Önnur spurningin sneri að mataræði og var frá manneskju í vaktavinnu sem átti í erfiðleikum með að koma reglu á mataræðið. Ellý svarar spurningunni með því að upplýsa hvað hún borðar yfir daginn.
„Þetta er ekkert mál. Það skiptir ekki máli hvort þú ert í vaktavinnu eða ekki. Þú verður bara að vanda þig, skipuleggja og ákveða í byrjun dags að setja ekkert ofan í þig sem er ekki hreint (beint frá jörðinni),“ skrifar Ellý og lætur fylgja með sinn matseðil yfir daginn.
„Hér er til dæmis dagurinn minn þegar kemur að næringu:
Kaffi, rjómi út í (sletta), stevíu dropi (karamella), og msk MCT olía. Vítamín dagleg (Múltí Sport (Guli miðinn) og Abel mjólkursýrugerlarnir (Probi Mage). Epli. Vatnsglas.
Hnetur (hnefi), appelsína. Vatnsglas.
Kjúklingur grillaður (fæst tilbúinn í Nettó best þar (ÓDÝRASTUR)), salat, ólifuolía út á salatið eða sólþurrkaðir tómatar. Vatnsglas.
1/2 banani eða epli (2 stk jafnvel ef svöng). Kaffi.
Vatnsglas. Hnetur eða bláber og Sonatural djúsinn. (engifer og epla djúsinn er bestur en það er misjafnt svo er avokado djúsinn líka góður).
Fresco vefja eða salat (sleppa sósu biðja um fresco herb olíuna í staðinn (það skiptir máli)). Eftir að ég byrjaði að borða Fresco þá gjörbreyttist líkami minn. Mæli með þeim og svo eru þeir ekki of dýrir (gæða hráefni og það líkar mér).
Appelsínur – sker niður í bita (eins og nammi) og gulrætur (helling af þeim, sker þær einnig niður). Þetta er kvöldsnakk sem vit er í.“
Þá segir Ellý ávallt fá sjö klukkustunda svefn til að halda sér í góðu líkamlegu og andlegu ástandi.
„Mikilvægur eins og ást, hreyfing og næring góð.“
Ellý fékk einnig spurningu frá manneskju sem sagðist ekki geta hætt að borða sykur. Ellý er með svör á reiðum höndum.
„Víst getur þú hætt að borða sykur. Þú getur ALLT sem þú ætlar þér. Taktu einn dag í einu. Burt með brauð líka því hveitið breytist í sykur í líkama þínum. Vertu þér góð og nærðu þig rétt. Þó að börnin þín borði ekki 100% hollt fæði þá getur þú vissulega gert það og sýnt gott fordæmi. Þau stjórna þér ekki. Þú ert við stjórn. En þau taka eftir breytingu sem á þér verður ef þú tekur ákvörðun um að sinna þér. Hugaðu vel að ÞÉR,“ skrifar Ellý á Facebook og bætir við.
„Ég fékk mein í brjóst sem fjarlægt var og það fyrsta sem læknirinn sagði: Út með þetta þrennt NÚNA ef þú vilt verða langamma hraust og kát:
1. sykur
2. prótein (verksmiðju-ógeð)
3. brauð“
