Þessi girnilega uppskrift kemur af vefnum lambakjot.is og ætti að gefa einhverjum innblástur fyrir sunnudagsmatinn.
Hráefni:
8 lambaskankarsalt og nýmalaður pipar
2 laukar, skrældir og skornir í báta
1 heill hvítlaukur
3 hvítlauksgeirar, smátt saxaðir
3–4 rósmaríngreinar eða 1 msk
þurrkað rósmarín
3½ dl hvítvín eða mysa
3 dl vatn
3 dl kúskús
Aðferð:
Kryddið skanka með salti og pipar og setjið í eldfast mót eða ofnskúffu ásamt laukbátum. Færið í 190°C heitan ofn í 10 mín eða þar til skankarnir og laukurinn hafa tekið fallegan brúnan lit. Bætið þá heilum hvítlauk, söxuðum hvítlauksgeirum, rósmaríni og hvítvíni eða mysu í mótið og lækkið hitann í 150°C. Bakið í 1 ½-2 klst. Takið þá mótið úr ofninum og bætið vatni og kúskús í mótið. Hyljið með álpappír og látið standa í 10 mín. Hrærið aðeins upp í kúskúsinu og berið fram með salati og brauði.
