Bitz vörurnar hafa heldur betur slegið í gegn undanfarið enda er um að ræða hágæða matarstell þar sem gæði og fegurð fara saman á einstakan máta. Í krafti tiltektardaga Vogue býður verslunin nú upp á 20% afslátt af hinum sívinsælu Bitz vörum til laugardagsins 10. júlí.
Vogue hefur á stuttum tíma þróast út frá því að vera vefnaðarvöruverslun yfir í að vera ein flottasta húsgagnaverslun landsins, og býður einnig upp á fallegar gjafavörur og fleira sem gaman er að fegra hýbýli með. „Við heilluðumst strax að Bitz vörunum og urðum hreinlega að bjóða upp á þær í versluninni. Þetta eru algerar eðalvörur fyrir þá allra kröfuhörðustu. Bitz býður upp á ótrúlega fjölbreytta vörulínu sem samanstendur af hefðbundnu matarstelli úr leir með matardiskum, kökudiskum, kaffikrúsum, bollum, súpuskálum, salatskálum og fleira. Einnig eru blómapottar, stærri skálar, föt og fleira úr leir. Þá eru að auki glerglös og aðrar glervörur en einnig falleg hnífapör. Þá eru þeir einnig með ótrúleta smart brass hnífapör og fleira. Bitz er sífellt að bæta við vörulínurnar sínar og koma með nýjar vörur og liti og fyrir stuttu komu frá þeim dýrindis diskamottur og dúkar,“ segir Helgi Valur, sölufulltrúi hjá versluninni Vogue.
Engir tveir hlutir nákvæmlega eins
Bitz er algert eðalstell sem gaman er að safna í. Þá kemur línan í mörgum litum sem hægt er að velja á milli. „Svo er líka gaman að sanka að sér í mismunandi litum enda passa þeir allir hrikalega vel saman. Það er líka skemmtilegt við stellið að það eru engir tveir hlutir alveg eins. Glerungurinn á leirvörunum gerir það að verkum að það myndast heillandi lífrænt mynstur í hverjum disk eða bolla. Bitz stellið sómir sér alveg einstaklega vel á borði enda hefur stellið verið afar vinsælt hjá veitingageiranum.“
Ótrúlega sterkar og slitsterkar vörur
Í Bitz vörunum er notaður fyrsta flokks leir sem er einstaklega slitsterkur og þolinn. „Þetta eru sterkir hlutir og mega fara í uppþvottavélina, sem er alls ekki raunin með mörg sparistell, sem sum hver þarf að skola varleg af með volgu vatni og næstum engu öðru. Glerungurinn gerir leirvörurnar líka níðsterkar og þær mega fara í ofn sem er allt að 220°C heitur. Þú getur ekki bakað matinn þinn í hvaða matarstelli sem er, en þú getur það í Bitz. Það er alveg klárt mál að þetta verður matarstell sem mun erfast fram í næstu kynslóðir.“
Njótum matarins á fallegum diskum
„Daninn Christian Bitz, sem hannaði línuna, er þekktur næringarfræðingur, þáttastjórnandi, fyrirlesari og metsöluhöfundur í Danmörku. Hugmyndafræði hans á bak við línuna er sú að maður eigi að fá að njóta þess að borða hollan og ljúffengan mat á fallegum diskum. Þá var hans skoðun að í stað þess að telja endalausar kaloríur þá væri mun mikilvægara að minnka skammtastærðir. Hann hannaði því línurnar út frá því að matardiskarnir væru í hæfilegri stærð.
Bitz býður einnig upp á stærri matardiska sem hafa verið mjög vinsælir hjá veitingageiranum, þar sem diskarnir eru oft listilega skreyttir, sem krefst örlítið stærri striga en sunnudagssteikin,“ segir Helgi.
Núna eru tilboðsdagar í versluninni Vogue og í tilefni þess verða allar Bitz vörurnar á 20% afslætti fram til 10. júlí. Allar Bitz vörurnar og meira til er einnig fáanlegt í vefversluninni vogue.is. Nú er tilvalið að koma sér upp einu endingarbesta og fallegasta matarstelli sem fæst á Íslandi eða bæta í safnið sem nú þegar er til.
Vogue er staðsett að Síðumúla 30 í Reykjavík. Opnunartímar eru frá 10-18 á virkum dögum og laugardaga frá 11-16. Sími: 533-3500.
Vogue er einnig staðsett að Hofsbót 4 á Akureyri. Opnunartímar eru frá 10-18 á virkum dögum og laugardaga frá 11-14. Sími: 462-3504.
