Bifreiðaverkstæðið Bíljöfur er eitt það þekktasta á höfuðborgarsvæðinu og hefur frá stofnun sérhæft sig í viðgerðum og viðhaldi á Chrysler, Dodge og Jeep.
Einnig sjáum við um allar almennar viðgerðir á öllum bíltegundum. Þú færð allt á einum stað fyrir bílinn hvort sem það er að lagfæra bremsur, stýrisgang, vélarupptekningar eða upptekningu á sjálfskiptingu.
Hjá verkstæðinu starfa þaulreyndir bifvélavirkjar með áralanga reynslu að baki. Þetta eru sannkallaðir reynsluboltar í faginu og eru jafnvígir á gamla sem nýja bíla. Bíljöfur hefur þá yfir að búa nýjustu tölvutækni og fullkomnum tölvubúnaði til þess að bilanagreina allar tegundir bíla.
Mikilvægi þess að yfirfara reglulega
Bíljöfur er alhliða bifreiðaverkstæði með BGS gæðavottun frá Bílgreinasambandinu. Vel yfirfarinn bíll tryggir öryggi ökumanns og farþega og því er gott að yfirfara bílinn reglulega. Að mörgu þarf að huga þegar kemur að reglulegu viðhaldi á bifreiðum og meðal þess sem þarf að skoða reglulega er staðan á olíu á vél, gírkassann, drifið, loftsíuna, sjálfskiptinguna, rúðuvökva, kælivökva og margt fleira. Við sjáum um að yfirfara bílinn fyrir þig og fyllum á, gerum við og skiptum út því sem þarf.
Þar sem Bíljöfur er í góðu samstarfi við Bíljöfur – varahluti ehf., er verkstæðið með aðgang að fjölbreyttu úrvali varahluta, öllu sem þarf til að viðhalda bílnum á sem bestan og ódýrasta hátt sem völ er á. Ef hluturinn er ekki til á lager þá pöntum við hann með stuttum fyrirvara.
Smiðjuvegi 34 (gul gata), 200 Kópavogi
Sími: 544-5151
