Eva Rún Snorradóttir og Jón Kalman Stefánsson eru tilnefnd til bókmenntaverðlauna Norðurlandaráðs 2026.
Það sem sameinar verkin 13 sem tilnefnd eru í ár er að þau horfa til fortíðar en eru um leið nátengd Norðurlöndum nútímans. Þau fjalla um foreldra og börn, kyn og kynvitund og einstaklinginn sem rekur stefnulaust í fljótandi heimi.
Á meðal hinna tilnefndu eru bæði skáldsögur, ljóðasöfn og smásagnasafn. Það sem er óvenjulegt í ár er að bæði norska dómnefndin og dómnefndin fyrir samíska málsvæðið hafa hvert í sínu lagi tilnefnt sama verkið sem í senn er gefið út á norsku og á tornesamísku.
Tilnefningarnar:
Danmörk
Mette Moestrup: Butterfly Nebula, ljóðabók, Gyldendal, 2025.
Charlotte Weitze: Ulvemælk, skáldsaga, Forlaget Gutkind, 2025.
Finnland
Pirkko Saisio: Suliko, skáldsaga, Siltala, 2024.
Quynh Tran: När andra njuter, skáldsaga, Förlaget / Albert Bonniers förlag, 202…
Færeyjar
Marjun Syderbø Kjelnæs: Marta, Marta, skáldsaga, Ungu Føroyar, 2024.
Grænland
Debora H. Kleist: Sarsuatitat, skáldsaga, Milik Publishing, 2024.
Ísland
Eva Rún Snorradóttir: Eva Rún Snorradóttir, Eldri konur, skáldsaga, Benedikt, 2…
Jón Kalman Stefánsson: Himintungl yfir heimsins ystu brún, skáldsaga, Benedikt,…
Noregur
Dag Johan Haugerud: Sjelesorg, skáldsaga, Forlaget Oktober, 2025.
Noregur / samíska málsvæðið
Sigbjørn Skåden: Planterhaug / Láŋtdievvá, skáldsaga, Cappelen Damm, 2025
Svíþjóð
Anna Hallberg: AN, ljóðabók, Albert Bonniers förlag, 2025.
Linda Örtenblad: Kartotek över döda och återuppståndna, smásagnasafn, Nirstedts…
Álandseyjar
Sebastian Johans: Svanhopp. Roman om död far, skáldsaga, Nirstedt/litteratur, 2…
Verðlaunahafi bókmenntaverðlauna Norðurlandaráðs 2026 verður opinberaður hinn 20. október. Verðlaunagripurinn verður veittur í tengslum við Norðurlandaráðsþing í Helsinki hinn 27. október. Verðlaunin nema 300 þúsundum danskra króna.
Bókmenntaverðlaun Norðurlandaráðs hafa verið veitt síðan 1962 fyrir fagurbókmenntaverk sem samið er á einu af norrænu tungumálunum. Það getur verið skáldsaga, leikverk, ljóðabók, smásagna- eða ritgerðasafn sem uppfyllir strangar kröfur um bókmenntalegt og listrænt gildi.
Markmið hinna fimm verðlauna Norðurlandaráðs er að auka áhuga á norrænu menningarsamfélagi og samstarfi um umhverfismál, svo og að vekja athygli á verkefnum sem skarað hafa fram úr á sviði lista eða umhverfismála.
