Mikið viðbragð var við Brúará við Hlauptungufoss eftir að tilkynning barst um kl. 16:15 að einstaklingur hefði fallið í ána.
Einstaklingurinn er fundinn en ekki er hægt að veita upplýsingar um ástand hans að svo stöddu. Um er að ræða erlendan ferðamann.
Þyrla Landhelgisgæslunnar er einnig á leið á svæðið.
Mikið viðbragð var boðað, straumvatnsbjörgunarhópar frá björgunarsveitum á suðurlandi og höfuðborgarsvæðinu, sjúkrabifreiðar frá Heilbrigðisstofnun suðurlands, Brunavarnir Árnessýslu og þyrla Landhelgisgæslunnar.
Rannsókn á tildrögum slyssins er í höndum rannsóknardeildar Lögreglustjórans á Suðurlandi.
