Í ákæru kemur fram að hann hafi, innandyra í óþekktu húsi í Reykjavík, veist með ofbeldi að öðrum manni, slegið hann með flötum lófa í andlitið með þeim afleiðingum að hann hlaut eymsli á vanga og mar á hálsi.
Fórnarlamb árásarinnar, sem mun hafa verið 74 ára á þessum tíma, fór fram á tvær milljónir króna í bætur. Dómari taldi þó 400 þúsund krónur vera hæfilega upphæð.
Ákærði játaði sök í málinu en hann á nokkurn sakaferil að baki. Þannig var hann dæmdur til að sæta fangelsi í 10 mánuði árið 2018 fyrir að skalla lögreglumann í andlitið.
Fyrir utan þetta var hann dæmdur til að greiða 300 þúsund krónur í málskostnað, 450 þúsund krónur í málsvarnarlaun verjanda síns og rúmar 45 þúsund krónur í annan sakarkostnað.
