Lögregluaðgerð stendur yfir á Edition hótelinu í miðborg Reykjavíkur. Mannslát tvegga er staðfest. Starfsfólk er í uppnámi.

Samkvæmt heimildum DV kom upp alvarlegt atvik á hótelinu í dag. Það er mannslát og hugsanlega tvö.

Óstaðfestar heimildir segja að um sé að ræða manndráp, það er að kona hafi valdið dauða tveggja annarra kvenna á hótelinu.

Elín Agnes Eide Kristínardóttir, yfirlögregluþjónn hjá miðlægri rannsóknardeild, segist ekki geta staðfest að um manndráp sé að ræða, heldur ekki mannslát. Málið sé nýtt og lögregla sé að ná utan um það.

Starfsfólk á Edition hótelinu er í uppnámi vegna málsins. Aðgerðin virðist fara að mestu fram í bílakjallara hótelsins. Þar er bæði lögregla á hjólum og ómerktum lögreglubílum og bíll frá útfararstofu.

Fréttin verður uppfærð.

„Lögreglan á höfuðborgarsvæðinu var kölluð að hóteli í miðborginni á áttunda tímanum í morgun vegna alvarlegs atviks sem þar hafði orðið.

Rannsókn málsins er á algjöru frumstigi og því er ekki unnt að greina frá því nánar að svo stöddu.

Frekari upplýsingar verða sendar fjölmiðlum í dag, eða eftir því sem málinu vindur fram.,“ segir í nýrri tilkynningu lögreglu.

Sérsveit ríkislögreglustjóra tók þátt í aðgerðinni en hún er nú á forræði Lögreglunnar á höfuðborgarsvæðisins. Einni hæð hótelsins var lokað og gestum sagt að halda sig á herbergjum sínum. Fjórir sjúkrabílar voru sendir á staðinn og bíll frá slökkviliðinu.

Lögregla hefur staðfest að tveir erlendir ferðamenn hafi fundist látnir. Þriðji er með áverka.