fbpx
Mánudagur 11.ágúst 2025
Fréttir

Trump segir að Bandaríkin muni eignast Grænland á „einn eða annan hátt“

Ritstjórn DV
Miðvikudaginn 5. mars 2025 08:06

Trump vill komast yfir Grænland.

Ekki missa af Helstu tíðindum dagsins í pósthólfið þitt

Lesa nánar

Donald Trump Bandaríkjaforseti hefur ekki gefist upp á því að eignast Grænland. Trump lýsti þessu í ræðu sem hann hélt í bandaríska þinginu í gærkvöldi.

Trump hefur áður ítrekað lýst því yfir síðustu vikur og mánuði að hann vilji að Bandaríkin taki yfir nágranna okkar Íslendinga á Grænlandi og hefur hann meira að segja ekki útilokað að beita hervaldi til þess.

Grænland fékk heimastjórn frá Danmörku árið 1979 en er sjálfstjórnarsvæði innan dönsku ríkisheildarinnar.

Í ræðu sinni í gær sagðist hann meðal annars vera með skilaboð til „yndislega“ fólksins á Grænlandi.

„Við styðjum rétt ykkar til að ákvarða eigin framtíð og ef þið viljið munum við bjóða ykkur velkomin inn í Bandaríkin.“

Hann bætti svo við að Bandaríkin þurfi á Grænlandi að halda, ekki einungis vegna þjóðaröryggis heldur vegna alheimsöryggis. „Og við erum að vinna að því, með öllum sem hlut eiga að máli, að reyna að ná Grænlandi. Og ég held að við munum ná því á einn eða annan hátt. Við munum ná því,“ sagði hann.

Þá sagði hann að Grænlendingar ættu von á góðu ef þeir fara undir Bandaríkin. Bandaríkin muni ekki einungis tryggja öryggi landsins heldur gera það ríkt og taka það í „áður óþekktar hæðir“ eins og hann orðaði það.

Trump á mikið verk fyrir höndum að sannfæra Grænlendinga um kosti þess að fara undir Bandaríkin. Samkvæmt skoðanakönnun sem framkvæmd var í janúar eru 85% Grænlendinga mótfallnir  því að sameinast Bandaríkjunum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Vöknuðu upp við vondan draum – Vissu ekki að nýtt fjölbýlishús ætti að vera svona nálægt

Vöknuðu upp við vondan draum – Vissu ekki að nýtt fjölbýlishús ætti að vera svona nálægt
Fréttir
Fyrir 2 dögum

Nágrannaerjur í Vesturbænum – Fá ekki að losna við girðingu nágrannanna sem vísa til brunahættu og óþefs

Nágrannaerjur í Vesturbænum – Fá ekki að losna við girðingu nágrannanna sem vísa til brunahættu og óþefs
Fréttir
Fyrir 2 dögum

Vilhjálmur segir að þessi aðgerð geti lækkað vexti á Íslandi hratt – Hafa stjórnvöld kjarkinn?

Vilhjálmur segir að þessi aðgerð geti lækkað vexti á Íslandi hratt – Hafa stjórnvöld kjarkinn?
Fréttir
Fyrir 2 dögum

Hlutfallslega miklu fleiri erlendir ríkisborgarar á Íslandi en öðrum Norðurlöndum

Hlutfallslega miklu fleiri erlendir ríkisborgarar á Íslandi en öðrum Norðurlöndum
Fréttir
Fyrir 4 dögum

Íslenskir neytendur óskuðu eftir endurgreiðslu vegna flugs – Áttuðu sig síðan á þessum mistökum

Íslenskir neytendur óskuðu eftir endurgreiðslu vegna flugs – Áttuðu sig síðan á þessum mistökum
Fréttir
Fyrir 4 dögum

Lögreglan rifjar upp rán í Útvegsbanka árið 1975 – Einn ræningjanna létti á samvisku sinni í sumar

Lögreglan rifjar upp rán í Útvegsbanka árið 1975 – Einn ræningjanna létti á samvisku sinni í sumar