Í ákæru kemur fram að maðurinn hafi, að kvöldi laugardagsins 31. ágúst 2024, í anddyri ónefndrar hárgreiðslustofu í Mosfellsbæ veist með ofbeldi að öðrum manni og slegið hann í andlitið. Afleiðingarnar voru þær að maðurinn hlaut nefbrot og opið sár á höfði.
Fórnarlamb árásarinnar gerði kröfu um að fá skaða- og miskabætur samtals að fjárhæð 1.890 þúsund krónur. Á það féllst dómari ekki og var árásarmanninum gert að greiða honum 550 þúsund krónur og samtals 380 þúsund í máls- og sakarkostnað.
Árásarmaðurinn játaði sök fyrir dómi en hann hefur ekki áður gerst sekur um refsiverða háttsemi.
