Björn Leví deildi þar skjáskoti af Facebook-færslu Vísis þar sem fjallað var um ummæli sem Guðlaugur Þór Þórðarson, þingmaður Sjálfstæðisflokksins, lét falla í ræðustól Alþingis í gær í umræðum um bandorminn svokallaða.
Kallaði Guðlaugur Þór Kristrúnu Frostadóttur „yfirlætisráðherra“
„Virðulegi forseti. Það kom að því að hæstvirtur yfirlætisráðherra, nei fyrirgefið, hæstvirtur forsætisráðherra, kom hér og talaði svona aðeins yfir þingheimi. Eigum við að fara yfir hæstvirtan forsætisráðherra í stjórnarandstöðu,“ sagði Guðlaugur meðal annars.
Björn Leví, sem sat á þingi á árunum 2016 til 2014, var ekki hrifinn af orðavali Guðlaugs Þórs og virðist þess utan ekki hafa mikið álit á honum.
„Og þessi gaur er að pæla í að verða borgarstjóri? Hann má endilega reyna. Það væri fínt að losna við hann úr þinginu. Hefur aldrei haft neitt til málanna að leggja nema skæting.”
Greint hefur verið frá því að Guðlaugur Þór íhugi að bjóða sig fram í leiðtogakjöri Sjálfstæðisflokksins í borginni.
Spegillinn greindi frá því í nóvember að taldar séu meiri líkur en minni á að hann taki slaginn og fari fram gegn Hildi Björnsdóttur, oddvita flokksins. Guðlaugur Þór er einn þaulsetnasti þingmaðurinn á Alþingi í dag en hann hefur setið þar frá árinu 2003.
