Bílastæðamál, gjöld fyrir þau og rukkun vegna ósýnilegra bílastæðagjalda, þjónustugjöld og fleira eru neytendum hugleikin og sér í lagi bílaeigendum.
DV hefur reglulega fjallað um bílastæðamálin, nú síðast:
Sjá einnig: Rukkað fyrir bílastæði á að minnsta kosti 38 ferðamannastöðum – Sjáðu listann og verðin
Sjá einnig: Greiddi 18.159 kr. fyrir 2 klst. á bílastæði á Selfossi – „Ef rétt þá er þetta lögreglumál“
Í gær hafði Freyr Ólafsson framkvæmdastjóri Parka samband og segir hann ferðamannabylgjuna og þéttingu byggðar hafa breytt miklu hér á landi undanfarin ár.
„Fleiri og fleiri eigendur vilja stýra aðgangi að sínum stæðum og svæðum, gera betur við sína gesti og hafa kallað Parka og fleiri til aðstoðar. Breyting sem þessi tekur skiljanlega á allt samfélagið og það heyrum við nú enduróma,“ segir Freyr.
Rétt er að benda á að fjölmörg fyrirtæki sjá um bílastæði víðs vegar um landið, ekki einungis Parka, þó nafn þess fyrirtækis heyrist kannski oftast í umræðunni, enda hægt að nota app Parka mjög víða.
„Í ljósi umræðu undanfarið vill Parka skýra nokkra hluti, sem virðist gæta misskilnings um:
Það þarf vart að taka fram að notendur eru Parka allt. Óheppilegar uppákomur þar sem gestir greiða há gjöld vegna misskilnings eða mistaka eru ekki aðeins vondar fyrir gestina, heldur einnig fyrir Parka. Við erum í sama liði og neytendur.
Verkefni okkar sem störfum í þessum geira er að útskýra enn betur einfalda og bæta með þarfir neytenda í huga. Parka er ungt tæknivætt íslenskt þjónustufyrirtæki sem sækir styrk sinn í einmitt það að geta brugðist hratt við ábendingum, breyta og bæta, viðskiptavina okkar vegna.“
