Paul Doyle, 53 ára fyrrverandi hershöfðingi í breska sjóhernum, hefur verið ákærður fyrir að hafa ekið inn í mannfjölda á sigurgöngu Liverpool FC þann 26. maí 2025. Atvikið átti sér stað á Water Street í miðborg Liverpool, þar sem þúsundir stuðningsmanna höfðu safnast saman til að fagna meistaratitli liðsins í ensku úrvalsdeildinni. Doyle var einn á ferð og hefur lögregla staðfest að atvikið sé ekki tengt hryðjuverkum.

Í kjölfar atviksins slösuðust 79 manns, þar af fjögur börn. Tuttugu og sjö einstaklingar voru fluttir á sjúkrahús, og tveir þeirra, þar á meðal barn, hlutu alvarlega áverka. Fjórir einstaklingar voru fastir undir bifreiðinni og þurfti að losa þá með aðstoð slökkviliðs. Atvikið átti sér stað um klukkan 18:00 að staðartíma, aðeins tíu mínútum eftir að sigurbíll Liverpool FC hafði farið um svæðið.

Doyle hefur verið ákærður fyrir sjö liðum fyrir líkamsárásir og tilraunir til að valda alvarlegum líkamsmeiðslum með ásetningi.

Hann mætti fyrir dóm í Liverpool Magistrates’ Court í morgun  þar sem hann staðfesti persónuupplýsingar sínar en lagði ekki fram formlega játningu. Doyle, sem var sýnilega niðurbrotinn í dómssal, hefur verið vistaður í gæsluvarðhaldi og er áætlað að hann mæti aftur fyrir dóm síðar  í dag.

Eftir stendur sú ágenga spurning hvers vegna í ósköpunum Paul Doyle framdi slíkan glæp. Hann er sagður vera kirkjurækinn þriggja barna faðir sem starfar í upplýsingatæknigeiranum eftir farsælan feril í breska sjóhernum. Eiginkona hans frétt fyrst af atvikinu í gegnum fjölmiðla en lögregla hefur verið með viðveru við heimili hans síðan.

Vinir og nágrannar eru gjörsamlega agndofa yfir því að hann beri ábyrgð á slíku voðaverki. Doyle hafi hvorki drukkið né neytt vímuefna og hafi verið til fyrirmyndar í samfélaginu.