Bandarískur ferðamaður sem er á leiðinni til Íslands greinir frá því að hann langi til þess að smakka hvalkjöt en óttist það. Sumir hneykslist á því að fólk borði kjötið.
„Ég er á leiðinni til Íslands í ágúst. Ég elska mat og að prófa að borða það sem ég hef aldrei borðað áður. Ég hef lesið um að það sé hægt að fá bæði selakjöt og hvalkjöt á Íslandi en það sé ekki eitthvað sem heimamenn borði. Segið mér satt, er það alveg gufuruglað hjá mér að panta það?“ segir ferðamaðurinn á samfélagsmiðlinum Reddit.
Segist hann muna taka tillit til heimanna og siða þeirra. Það er ef það sé litið niður á það að borða hvalkjöt muni hann ekki gera það.
„Ef það að kaupa og borða hvala og selakjöt muni hafa slæm áhrif á lífríkið eða að það sé litið niður á það á Íslandi þá mun ég klárlega halda mig frá því,“ segir hann að lokum.
Hefur færslan fengið mikla athygli og spunnist hafa um hana töluverðar umræður.
„Heimamenn sögðu okkur að það væri litið niður á það að borða hvalkjöt og lunda,“ segir einn ferðamaður sem kom til Íslands. „Við sáum einnig skilti þar sem stóð: „Ekki borða hval“ af því að það hvetji til frekari hvalveiða. Eins og ég skil það þá borða heimamenn þetta ekki.“
Í umræðunum er tekist á um ábyrgðina. Veitingastaðirnir fyrir að bjóða upp á hvalkjöt eða ferðamennirnir fyrir að panta það.
„Það er litið niður á það að borða hvalkjöt þessa dagana. Flestir Íslendingar eru á móti hvalveiðum og það myndi hjálpa til við að fá hvalveiðar bannaðar ef að ferðamenn myndu hætta að panta hvalkjöt á veitingastöðum,“ segir einn sem bendir einnig á að það sé ekki einu sinni lystugt. „Þetta er ekki einu sinni gott. Ímyndaðu þér steik sem hefur legið í fötu með fiski í nokkra daga. Þannig er hvalkjöt.“
„Ég er hættur að borða hvalkjöt en ég er ekki sammál því að það sé ekki bragðgott,“ segir einn Íslendingur. „Grilluð hrefna var ljúffeng! Selkjöt fannst mér hins vegar allt of feitt og lýsiskennt.“
Aðrir mæla með hvalkjöti. Svo sem einn sem mælir sérstaklega með hrefnusteik.
„Þjóðin er klofin í málinu. Hvalveiðar eru í góðu lagi svo lengi sem þær eru stundaðar í hófi og mannúðlega,“ segir hann. „Ég elska hvali og elska að borða hval. Hrefnusteik er frábær og einn uppáhalds maturinn minn. Ef þú færð tækifæri til þá mæli ég með að prófa það. Jafn vel þó það sé aðeins í eitt skipti.“
„Það myndi enginn borða þetta ef heimamenn gerðu það ekki,“ segir annar. „Ég hef ekki borðað það en það væri heimska eða hræsni af mér að draga línuna í sandinn við hrefnuveiðar þegar þær eru ekki í útrýmingarhættu. Jú, þær eru vissulega vitibornar, en það eru líka mörg önnur dýr sem fólk borðar.“
