Ráðist var á íslenska konu, kanadískan eiginmann hennar og tvo syni þeirra á bar í borginni Herkalkion á Krít. Voru þau öll flutt á spítala eftir árásina og lögregla rannsakar málið.
Grískir miðlar greina frá þessu.
Samkvæmt miðlinum Protothema var fjölskyldan að skemmta sér á bar þegar heimamenn réðust á þau. Hlutu þau slæm eymsl eftir högg, bæði á höfði og líkama og voru flutt á spítala með sjúkrabílum.
Konan er 41 árs og eiginmaður hennar 49. Synirnir eru 21 og 18 ára gamlir. Var konunni og sonum hennar veitt aðhlynning á spítalanum og svo útskrifuð en eiginmaðurinn er enn þá á Venizelio spítalanum.
Samkvæmt miðlinum Patris segir að árásarmennirnir hafi verið fjórir. Lögregla rannsaki nú málið og sé á góðri leið með að komast að því hverjir þeir eru.
