Kristján Loftsson, framkvæmdastjóri Hvals, er sótreiður út í Katrínu Jakobsdóttur, fyrrverandi forsætisráðherra og forsetaframbjóðanda. Hann vandar henni ekki kveðjurnar í viðtali í Morgunblaðinu í dag og líst illa á að hún verði forseti Íslands.

Tilefnið er umsókn Hvals hf. um leyfi til hvalveiða sem hefur legið óhreyfð í ráðuneytinu í fjóra mánuði. Er Kristján ósáttur við að fyrst núna sé verið að leita eftir umsögnum um leyfi til veiða á langreyðum. Er útlit fyrir að hvalveiðivertíðin sé fyrir bí en veiðar hefjast vanalega í byrjun júní.

„Um­sókn okk­ar um leyfi til hval­veiða barst mat­vælaráðuneyt­inu í ráðherratíð Katrín­ar Jak­obs­dótt­ur, en þá var Svandís Svavars­dótt­ir kom­in í veik­inda­leyfi. Þetta seg­ir mér að Katrín hef­ur ekki verið að vinna vinn­una sína,“ segir Kristján við Morgunblaðið og vindur sér síðan að forsetakosningunum sem eru fram undan.

„Svo ætl­ar fólk að fara að kjósa hana á Bessastaði. Hún mun vænt­an­lega ekki svara nein­um fyr­ir­spurn­um sem til for­seta­embætt­is­ins ber­ast, verði hún kos­in, ef þetta eru vinnu­brögðin sem hún tem­ur sér. Enda rím­ar þetta vel við það hvernig stalín­ist­ar vinna,“ segir Kristján og bætir við að allt þetta gerist á hennar vakt.

„Hvað mig varðar er það al­ger­lega von­laus staða fyr­ir lýðveldið Ísland að fá þessa konu á Bessastaði. Mér líst ekki á blik­una,“ segir Kristján Loftsson en nánar er fjallað um málið í Morgunblaðinu í dag.