fbpx
Laugardagur 25.maí 2024
Fréttir

Sundlaugargestir æfir yfir fyrirhuguðum breytingum: „Notið peningana í þarfari hluti“

Ritstjórn DV
Mánudaginn 22. apríl 2024 10:00

Ekki missa af Helstu tíðindum dagsins í pósthólfið þitt

Lesa nánar

Tíu velunnarar og gestir Sundhallar Reykjavíkur rita nafn sitt undir opið bréf til Einars Þorsteinssonar borgarstjóra og Dags B. Eggertssonar, formanns borgarráðs og fyrrverandi borgarstjóra, sem birtist í Morgunblaðinu í dag.

Þar skrifa þeir er um fyrirhugaðar breytingar á Sundhöllinni og er  óhætt að segja að velunnurum þessarar merku byggingar lítist illa á þær breytingar.

„Sund­höll Reykja­vík­ur er meðal merk­ustu bygg­inga borg­ar­inn­ar. Hún hef­ur ekki bara glæsi­legt klass­ískt ytra út­lit held­ur er innri gerð henn­ar sam­gró­in þeirri heild sem blas­ir við úti sem og inni í laug­inni sjálfri. Hún er ein af fyrstu og fáum bygg­ing­um frá fyrri helm­ingi liðinn­ar ald­ar þar sem gætt er full­kom­ins sam­ræm­is í stíl og hönn­un ytra sem innra, milli stórra sem smæstu ein­inga og ein­stakra hluta. Hún er samþætt heild­arlista­verk þar sem hver hannaður kimi, stall­ur eða sylla er hluti af órjúf­an­legri samof­inni heild, enda sögð og skrá­sett sem alfriðuð, þótt sú vernd virðist eig­end­um ekki íþyngj­andi. Við bygg­ingu nýrr­ar úti­laug­ar voru gerðar breyt­ing­ar í inn­gangs- og af­greiðslu­rými hall­ar­inn­ar sem breyttu út­liti og and­rými húss­ins, sem mörg­um þótti miður og að mestu óþarfar. Aðrar lausn­ir voru í boði. Fyrr­nefnd­ar breyt­ing­ar snertu þó ekki kjarn­ann, sjálft laug­ar­húsið,“ segir í greininni.

Greinarhöfundar segja að nú skuli reitt að nýju til höggs.

„Breyta skal laug­ar­bökk­un­um og end­ur­gera í sam­ræmi við nú­tíma­kröf­ur, eyðileggja laug­ar­bakk­ana sem eru órjúf­an­leg­ur hluti af heild­inni og end­ur­hanna þá eft­ir kröf­um um nú­tíma­sund­laug­ar.“

Að mati greinarhöfunda er engin knýj­andi þörf er á þess­ari breyt­ingu, enda ekki gerð með þarf­ir sund­gesta að leiðarljósi held­ur sam­kvæmt óskil­greind­um nú­tíma­kröf­um.

„Gangi þetta fram verður þessu ein­stæða lista­verki Guðjóns Samú­els­son­ar spillt var­an­lega, til fram­búðar. Óþarfi að minna á þá sóun al­manna­fjár sem fylg­ir. Sund­höll­in þarfn­ast vissu­lega viðgerða. Látið þar við sitja. Notið pen­ing­ana í þarfari hluti. Ágætu borg­ar­stjór­ar, þótt búið sé að prím­signa þetta skemmd­ar­verk í stofn­un­um borg­ar­inn­ar, þá er enn ekki of seint að hverfa frá verknaðinum. Látið þess­ar breyt­ing­ar daga uppi og ónýt­ast. Gerið þetta fyr­ir borg­ar­búa í virðing­ar­skyni við ein­stakt lista­verk á reyk­vískri grund.“

Undir bréfið skrifa Þröst­ur Ólafs­son, Hol­berg Más­son, Hjör­leif­ur Stef­áns­son, Helgi Hjálm­ars­son, Leif­ur Breiðfjörð, Helgi Gísla­son, Magnús Gunn­ars­son, Helgi Þorgils Friðjóns­son, Sig­urður Gísli Pálma­son, Lár­us Hall­dórs­son. Þá kemur fram að fjöl­marg­ir aðrir vel­unn­ar­ar og gest­ir Sund­hall­ar­inn­ar séu þessarar skoðunar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Sló ökumann í höfuðið með bjórglasi

Sló ökumann í höfuðið með bjórglasi
Fréttir
Í gær

NATÓ-ríki íhuga að senda hermenn til Úkraínu

NATÓ-ríki íhuga að senda hermenn til Úkraínu
Fréttir
Í gær

„Áhorfendur áttu betra skilið“

„Áhorfendur áttu betra skilið“
Fréttir
Í gær

Þreföld eftirspurn eftir leiguhúsnæði miðað við framboð

Þreföld eftirspurn eftir leiguhúsnæði miðað við framboð