Rússneska kjörstjórnin segist hafa fundið „villur“ í þeim gögnum sem forsetaframjóðandinn Boris Nadezhdin skilaði inn. Kosningarnar fara fram þann 15. til 17. mars en fastlega er búist við því að sigur Pútín verði tryggður með öllum ráðum.

Að sögn kjörstjórnar hefur fundist dáið fólk á meðal þeirra 100 þúsund einstaklinga sem eru á meðmælalista Nadezhdin. Hann er eini forsetaframbjóðandinn sem er gagnrýninn á stríðsreksturinn í Úkraínu.

Nadezhdin lýsti yfir framboði sínu á síðustu stundu. Að eigin sögn hefur framboð hans fengið glimrandi góðar móttökur og margir vilja sína andstöðu við Pútín í verki.

Hugsanlegt er að kjörstjórnin ógildi framboð hans vegna þessarra „villa“ í meðmælunum. Hann verður beðinn að mæta á fund á mánudag til að svara fyrir þær.

Nadezhdin hefur lýst yfir stuðningi við Alexei Navalny, stjórnarandstöðuleiðtogann sem bauð sig fram gegn Pútín á sínum tíma. Navalny var sýnt banatilræði með eitri og var að lokum sendur í fangelsi í Síberíu.