Lögreglan á höfuðborgarsvæðinu leitar að ökumanni sem stakk af eftir árekstur í Kópavogi á föstudag. Ökumaðurinn keyrði Suzuki Jimny bifreið.
Áreksturinn varð klukkan 13:57 á föstudag við Digranesheiði í Kópavogi. Ökumaður silfurlitaðrar Suzuki Jimny bifreiðar keyrði aftan á annan bíl og flúði svo af vettvangi.
Atvikið náðist á myndband. Faðir konunnar sem varð fyrir árekstrinum birtir myndbandið nafnlaust á samfélagsmiðlum og auglýsir eftir upplýsingum um atvikið.
„Myndband er birt með leyfi lögreglu,“ segir hann. „Ef einhver hefur upplýsingar má hinn sami hafa samband í síma 8981855 eða beint við lögreglu.“
