Leikkonan og grínistinn Amy Schumer birti nýjar myndir af sér um helgina, en hún hafði hreinsað næstum allar færslur af Instagram-síðu sinni í byrjun nóvember. Töldu margir að þar væri leikkonan að losa sig við myndir sem sýndu hana áður en hún léttist hressilega. Schumer tekur þó fyrir þær ásakanir og segist ávallt hafa verið sátt með sjálfa sig.
„Þetta er saga sem þið hafið búið til. Ég hef alltaf verið stolt af útliti mínu.“
Um helgina birti hún svo myndir þar sem hún hafði stillt sér upp í stiga á heimili sínu. Á einni myndinni hafði sex ára sonur hennar laumast inn á myndina.
„Er að reyna að græja mig fyrir partý en sumir neita að fara að sofa,“ skrifaði grínistinn með myndunum. Frægar vinkonur hennar skrifuðu í athugasemd og dásömuðu hraustlegt útlit hennar.
„Vá hvað þú ert glæsileg Amy,“ sagði Linna Rinna úr Real Houswifes-þáttunum. Hótelerfinginn Paris Hilton sendi tjákn með broskalli með hjörtu í stað augna og leikkonan Brittany Snow skrifaði: Vá, hæ!
View this post on Instagram
