Í tilkynningu frá Lögreglunni á höfuðborgarsvæðinu segir að embættið þurfi nauðsynlega að ná tali af tveimur ökumönnum í tengslum við rannsókn hennar á banaslysi á Sæbraut í Reykjavík um síðustu helgi. Annar hafa ekið hvítri Tesla bifreið og hinn ljósri smárútu, en báðum bifreiðunum var ekið á þessum slóðum í norðurátt skömmu eftir miðnætti aðfaranótt síðastliðins sunnudags, þ.e. á vegarkaflanum á Sæbraut á milli Súðarvogs og Kleppsmýrarvegar. Ökumennirnir eru beðnir um að hafa samband við lögregluna í síma 444 1000.

Jafnframt er minnt á að vitni að slysinu, eða aðdraganda þess, eru beðin um að hafa samband við lögreglu. Upplýsingum má koma á framfæri í tölvupósti á netfangið abending@lrh.is eða í síma 444 1000.