Óhætt er að segja að þessi sakleysislega færsla hafi vakið mikla athygli og virðast margir túlka hana þannig að Jón liggi nú undir feldi og íhugi forsetaframboð.
Margir af fylgjendum Jóns hvetja hann raunar til að fara fram í athugasemdum sem snúast nær allar um hugsanlegt forsetaframboð.
„Farðu í forsetaframboð ekki seinna en strax,“ segir einn. Annar segir: „Þú átt minn stuðning í Forsetaembættið. Kominn tími á forseta með húmor.“ Og enn annar segir: „Þú færð pottþétt mitt atkvæði og án vafa mörg önnur. Koma svo, láttu vaða.“
Hvort Jón fari í forsetaframboð skal ósagt látið að svo stöddu þó að líkurnar séu ef til vill ekki miklar eins og sakir standa. Jón var sem kunnugt er borgarstjóri Reykjavíkur á árunum 2010 til 2014 og fórst það ágætlega úr hendi.
Orðið á götunni á Eyjunni fjallaði um líklega forsetaframbjóðendur í gær og þar var komið inn á hugsanlegt framboð Jóns.
Sjá einnig: Orðið á götunni: Baldri enn kalt og Katrín undirbýr dýrasta framboð Evrópusögunnar
Um hugsanlegt framboð Jón sagði: „Jón Gnarr útilokaði ekki framboð, en hefur lítið gert til að minna á sig. Jón er þó ólíkindatól og er það til marks um slagkraft Jóns að þrátt fyrir litlar tilraunir til þess að vekja athygli á sér er hann hvergi vanmetinn.“
