Guðni Th. Jóhannesson, forseti Íslands, segist þakklátur fyrir það að hafa notið stuðnings samlanda sinna í forsetaembættinu.

Guðni tjáir sig stuttlega í samtali við Morgunblaðið í dag en tilefnið er Þjóðarpúls Gallup sem sýnir mikla ánægju með hans störf. 81 prósent landsmanna eru ánægð með störf hans en til samanburðar voru 73% ánægð með hans störf árið 2021.

Í Morgunblaðinu er haft eftir Guðna að ekki sé „sjálfgefið á tímum aukinna öfga og óskammfeilni í samfélagsumræðu“ að geta búist við svona góðum stuðningi.

„Mér þykir líka vænt um all­ar þær stuðningskveðjur sem ég hef fengið nú frá ára­mót­um. Íslend­ing­ar eru heil­steypt­ir, vina­leg­ir og rétt­sýn­ir, upp til hópa,“ seg­ir Guðni.

Guðni tilkynnti sem kunnugt er í nýársávarpi sínu að hann ætli að láta af embætti á þessu ári og má því búast við því að nýr forseti verði kjörinn á Bessastaði í kosningum þann 1. júní næstkomandi.