„Hvernig við sem þjóð stönd­um við bakið á Grind­vík­ing­um, jafnt fjár­hags­lega sem and­lega, verður próf­steinn á það sam­fé­lag sem við Íslend­ing­ar höf­um byggt upp,“ segir Óli Björn Kárason, þingmaður Sjálfstæðisflokksins.

Óli Björn skrifar grein í Morgunblaðið í dag þar sem hann kallar eftir því að ríkið kaupi allt íbúðarhúsnæði í Grindavík, fyrir utan það sem Náttúruhamfaratrygging hefur dæmt ónýtt og mun því bæta.

„Um leið verði eig­end­um veitt­ur for­kaups­rétt­ur að eign­um sín­um, þannig að þeir geti gengið að þeim vís­um þegar óvissu­ástandi lýk­ur og þeir ákveða að snúa aft­ur heim,“ segir hann í grein sinni.

Annar þingmaður Sjálfstæðisflokksins, Vilhjálmur Árnason, hefur einnig kallað eftir þessu en Vilhjálmur er einmitt búsettur í Grindavík.

„Það er rétt hjá fé­laga mín­um og vini, Vil­hjálmi Árna­syni, þing­manni Sjálf­stæðis­flokks­ins í Suður­kjör­dæmi, að með upp­kaup­um fá Grind­vík­ing­ar nauðsyn­legt svig­rúm, jafnt and­legt sem fjár­hags­legt. Þeir fá tæki­færi til að taka ákvörðun til skemmri og lengri tíma til að koma lífi fjöl­skyld­unn­ar í fast­ari skorður, á eig­in for­send­um en ekki sam­kvæmt forskrift hins op­in­bera. Slíkt er í takt við eðli Grind­vík­inga sem vilja standa á eig­in fót­um, skapa sér eig­in framtíð. Skap­gerð Grind­vík­inga mótaði eitt blóm­leg­asta sveit­ar­fé­lag lands­ins,“ segir Óli Björn.