Þau er létust í flugslysi á Austurlandi síðastliðinn sunnudag voru við reglulegar hreindýratalningar Náttúrustofu Austurlands þegar slysið varð. Þrjú voru um borð og létust öll.
Fríða Jóhannesdóttir, fædd 1982, spendýrafræðingur
Kristján Orri Magnússon, fæddur 1982, flugmaður
Skarphéðinn G. Þórisson, fæddur 1954, líffræðingur
Þetta kemur fram í tilkynningu frá Lögreglunni á Austurlandi.
Eins og komið hefur fram fer minningarstund um hin látnu fram í Egilsstaðakirkju kl. 18 í dag og verða prestar kirkjunnar ásamt fulltrúum úr viðbragðshópi RKÍ á Austurlandi vegna sálræns stuðnings við minningarathöfnina.
Sjá einnig: Minningarstund í Egilsstaðakirkju vegna flugslyssins
Slysið varð við Sauðahlíðar, suður af Skriðdal og vestur af Öxi og er rannsókn slyssins í höndum rannsóknarnefndar samgönguslysa og lögreglunnar á Austurlandi.
Samfélagið fyrir austan er í áfalli vegna þessa hörmulega slyss og bendir Samráðshópur almannavarna um áfallahjálp öllum sem eiga um sárt að binda vegna þessa að hægt er að leita til Heilbrigðisstofnunar Norðurlands, kirkjunnar, hjálparsíma Rauða krossins og Félagsþjónustunnar í Múlaþingi og Fjarðarbyggð.
Heilbrigðisstofnun Austurlands (HSA): Hægt er að senda póst á afallahjalp@hsa.is eða hringja á heilsugæslu HSA og fá samtal við hjúkrunarfræðing í síma 470-3000 á dagvinnutíma. Sjá upplýsingar um opnunartíma hér og á Facebooksíðunni Heilbrigðisstofnun Austurlands.
Kirkjan – Prestar eru til viðtals í síma fyrir hjálp eða sálgæslu eins og óskað er eftir:
Jóna Kristín Þorvaldsdóttir, Fáskrúðsfirði 8971170, jona.kristin.thorvaldsdottir@kirkjan.is
Sigríður Rún Tryggvadóttir, 6984958 sigridur.run.tryggvadottir@kirkjan.is
Arnaldur Arnold Bárðarson, Breiðdalsvík 7668344, arnaldur.bardarson@kirkjan.is
Ingibjörg Jóhannsdóttir, djákni, 7601033, ingibjorg.johannsdottir@kirkjan.is
Félagsþjónustan í Múlaþingi, sími 4700700
Félagsþjónustan í Fjarðarbyggð, sími 4709015 fyrir ráðgjöf og upplýsingar
Hjálparsími Rauða krossins 1717 er alltaf opinn og þar er einnig hægt að ná sambandi við ráðgjafa í gegnum netspjall.
